英國入籍英文能力試 ILETS 以外的選擇 – Trinity College



  • 不時見人講點樣考IELTS,點樣操卷,有咩細節。 對於拎BNO移民英國嘅香港人黎講喱件事真係操之過急。 原因有二

    IELTS 限期係兩年,你要等到第五年永居先需要用到,依家考到第五年已經唔用得
    IELTS 入籍考嘅係B1,唔駛做卷唔駛考文法,考唔啱你都用唔著
    (其他簽證,申請時已經要交英文能力證明,而首簽通過之後該證明係可以繼續用到入籍)

    而有人話搵工有用喱個真係Yes / No 問題。小編冇考過ILETS 而好多時見工果時對方已經知道你英文能力。所以係咪有用呢,我覺得真係見人見志。

    考IELTS B1 其實唔難,B1 考嘅唔係文法而係對答技巧,日常生活用語等。考試係由你同另一個考生討論隨機題目,而考官會對過程作出評分。有啲似以前會考Oral 對手差,你個分數都會同時拉低一齊fail,而B1 只有Pass或者Fail 而好少會係其中一個Pass 另一個Fail,除非你表現好突出。

    上面一直講IELTS B1唔難考,咁點解要推介第二個考試呢 ? 係英國考得ILETS B1大多係想申請永居或入籍嘅外籍人仕。 即係話你遇到嘅對手都係來自不同國家。試想像一下遇著一個中東或者印度口音,你成功聽得明對方嘅機會係幾多? 親身經歷,考試遇上一個非洲大媽,考題係名人,我同佢講Bruce Lee 佢俾個黑人問號我,已經冇共同話題,而各自有口音互相聽唔明對方講緊乜討論唔到,我個考試咁就玩完,£150就化為烏有。

    以下係小編個人經歷嘅建議。 最後朋友介紹下我重考Trinity College B1 GESE Grade 5 SELT test。 同樣係英國政府認可機構。最重要係達到目的,成功認可申請永居目的唔係向高難度桃戰。 而唯一問題係,佢只有英國本地先有得考。

    考Trinity College 好簡單,一對一,考生對考官。題目由自己預備。 報名後佢會叫你去下截一張考題,考試前好好預備,由主Topic開始寫六樣相關題目作討論。

    圖片來自: Trinity College
    考試時題目交俾考官,考官會圍繞你題目去傾偈。整個過程考官都比較興鬆,考官簡單問候一下然後就會傾閒偈咁同你講你預備嘅題目。成個過程似係同一個新相識朋友吹水 ,而話題係你預設,生字對答都可以好好預備。

    Example
    價錢都係一樣,其實考Trinity 真係比較容易同簡單,最好係可以免去同豬隊友交手嘅風險。唯一缺點係,耐不耐有傳聞話政府唔再認可Trinity成績。不過通常英國政府取消相關 認可都要時間,有五年我覺得到時先再update再睇都未遲。依家唔駛浪費心力去睇ILETS啦。

    最後總結係,申請永居前五年英國生活,要好好努力練習英文,唔好擔心文法只要努力去講就會進步,有五年練習都考唔到,咁要好好檢討。

    https://www.england01.co.uk/2020/10/12/prove-your-knowledge-of-english-for-citizenship-and-settling/


Log in to reply