來英篇



  • 來英篇
    其實喺我到英之前,好多人都已經到咗,大至上都係LOTR入境,係Border就會印個Leave for Enter 6Months,No Recourse to Public Funds, 即係呢六個月你可以搵工,租地方等等,只係唔可以攞政府任何福利,亦不可追討。到一月份就申請正式LOTR Visa.
    可以話呢個印並唔係可以保証到任何嘢,有啲人好好彩事事順利,有啲人好似我咁就處處碰釘,不過唔緊要,反正最差最差到一月時就會易好多.
    首先講講過關:
    唔好懶型揸本BNO去e-通道過,一定要人手,到時要提出申請LOTR,有啲人話好好彩,乜都無問坐低一邊就等十分鐘攪掂,有啲就好似我咁問長問短,問題和答案如下,人人可能唔同:
    1:住邊?
    比咗7晚酒店定房佢睇,如果你有租咗屋就比租約佢睇.
    2 :你做乜行業?
    基本上講就得
    3 :資金証明你可以維持半年
    我print咗一個月嘅月結單,諗住唔夠就係手機上銀行app開比佢睇,佢話見到我有啲Hong Kong Joockey Club 轉賬,問我喺咪賭錢?我話呢個唔係犯法嘅,政府批準嘅,有乜問題?(其實咪又係你哋英國留低嘅),我戶口有十五萬港幣,佢問我知唔知半年喺英國要幾多生活費,我答一萬鎊應該夠,況且我remote 香港工作,暫時每月仲有收入。
    4 :會唔會喺英國打工
    我話會,會搵工。咁其實我都叫咗個朋友公司比封信我話邀請我過嚟面試,咁最後佢都無睇。
    之後叫你坐埋一邊,同時間有四五個家庭都等緊,之後一一比返晒passport佢哋,同我一樣攞到個六個月印仔。
    以上嘅過關情序大同小異,問題必有,若你見到好多人話好易,乜都無問,咁真係好好彩,啊,回程機票唔好慳啦,雖則要申請留喺度又有回程好似好茅盾,但有準備比無準備好。
    咁到步初住酒店,但要開似攪好多嘢,而過嚟之前亦要準備好多,我亦要承認真掉以輕心,不過唔緊要,下面啲嘢好多人都有講過,如過你就快嚟嘅話,有啲要盡快做:
    1: 電話卡,去好多香港電話舖買張Pay as you go,通常喺3 UK嘅,咁一落機就可以上網同打電話,呢啲Pay As You Go號碼之後可帶去做合約號碼。咁你如果想去門市將號碼轉上台,當然要攞BNO去,另外就係住址同銀行証明,呢度就有啲要準備啦。因為最好嘅就係銀行信有埋地址同戶口號碼,Sort Code,咁你嚟到未有銀行戶口(當你未有),咁最快嘅就係開Monzo或者Starling,兩個網上銀行,我唔想講佢哋安唔安全,始終網上好多話佢哋有問題云云,我唔判斷,而另外兩間Monese同Revolute係不被承認為英國銀行,盡管都有地址同戶口號碼,Sort Code,所以開Monzo同Satrling喺最好,可以嘅話喺香港先開 Monzo,聽聞最易,可惜我開唔到,其實有啲人都開唔到,理由話我過唔到Credit Check,荒謬之處係我剛到步,何有Credit record? 咁無得上台都唔係好大問題嘅,Pay as You Go可以不斷增值用。
    2:銀行戶口,有好多人話好正,又快,有啲youtuber甚至話入到銀行職員見到BNO就話ok,即開無問題,連地址証明都唔洗,起碼睇過三幾個case係咁,我問佢哋邊間分行佢哋又唔覆,咁人生勝利組肯定無我份,我去Metro bank,佢話我無地址証明,我去Lloyds,佢話規矩要有12個月嘅Visa至得,上網搵第二啲銀行網上登記開戶同諗住預約,大部份都話要你証明係英國住滿六個月以上,咁你剔唔剔呢?有啲話照剔無問題,有啲話剔咗就係呃,媽呀,好亂呀。引身出嚟嘅係其實你喺香港開Monzo都要問你英國地址,但唔洗証明,咁你借朋友地方收卡就得。所以我未有UK銀行戶口,但攞咗Monese同Revolute嘅debit 卡啫。
    咁如果腰纏萬貫嘅你喺香港開咗離岸戶口,煩腦就少好多,到時比返個地址就攪掂,聽講係,因為我無,另外有人話如果你香港有匯豐戶口,甚至可以轉英國地址就開到,真係唔知,因為小弟得渣打。
    再唔係嘅就係話搵到工就可用顧主信同合同証明你身分同地址証明,個個都話得嘅,我諗係啩。
    租屋,呢個大部份人關心啲嘅,可以嘅話就上網喺香港租定,只係隔山打牛,同埋我唔知點可以租到?咁啲人好勁,真係租到,如果Airbnb嗰啲就應該無問題嘅,如果過到嚟至租呢,不外乎喺搵Agent,Agent有個policy,就係Visa未夠半年唔可以幫你租,咁就死得,有啲話可以將租約提前幾日,咁你簽嘅租約唔會喺六個月之內你個Visa到期,有啲道理,但咁係唔係犯法?我無深究,好似唔係幾好。咁另外就係私人業主,但私人業主就要睇運氣,因為無咗中間人攪手續,尤其要講到可能upfront比半年或一年,始終剛到步,無入息証明無Credit line,亦可能要你搵一個英國公民做擔保人,諗深層,你比一年仲要擔保人?你驚佢多過佢驚你啦,咁其實主要係想check吓你人係如何甚至可否相信,我就好彩哋有兩個人肯做我Guarantor. 但亦唔代表即刻攪掂,因為係透過OpenRent搵,OpenRent要代收Holding Deposit,又要用本土Debit Card,即係回歸到之前嘅Monzo問題,咁Monzo真係幾重要. 當然亦有好多香港人放租,咁睇緣份啦。
    車牌,呢個爭拗都多,有謂過嚟即刻換到,有謂一定要住半年至得,咁真實又好多人換到,甚至有話直填剛到步兩日都得,用英國車牌買返保險係平啲嘅,但呢啲咁易嘅嘢,我又未試。當然你亦要有個地址比佢寄個牌比你。
    咁其實好多人都無呢啲問題,簡簡單單就攪掂,只係我黑仔啲。記住,唔好諗住過嚟就將香港啲Credit Card 唔要,英國要攞到張Credit Card唔易,唔好話好似香港咁高限額𠻹啦。

    https://www.facebook.com/groups/679999806073079/permalink/849866012419790/


Log in to reply