租屋!



  • 逃走•英國🇬🇧
    租屋!
    連續四日,我們一家四口冒住生命危險,勇敢地由Bristol突入已宣布因為「中共輸出病毒於12-2019」而Lockdown的Cardiff😎。目的只有一個,就係希望可以搵到第一個在英國🇬🇧的家園😌🙏🏻!去開始我哋嘅新生活。
    我們因為疫情,由英國🇬🇧的中南部Coventry,被迫由原本目的地Cardiff的Airbnb轉到Bristol去暫住,原本想等到Cardiff lockdown 完了,過到Cardiff 才開始搵屋🤔。但一日未搵到屋租住,個心理壓力都好大,因為在英國🇬🇧沒有一個正式的居住地址,真係乜都唔使諗住去做,例如為小朋友搵學校、申請NI、買車保(雖然有網友說成功用bnb地址買到👍🏻)、開本地銀行户口、等等......。
    所以同老婆商量後,都係決定開始即極搵屋睇,要入Cardiff睇,死!就死啦😎!因為我們沒有咁多子彈不停去住Airbnb😭和租車😞
    我老婆搵屋睇,確係有一套👍🏻,她不停在Rightmove 、Zoopla和OpenRent睇盤,sent email request for viewing,其實我都係一樣咁sent,但唔知點解🙄?!就係有人覆我老婆,而我😤,就係冇人覆😤,算!
    在這四日裏,我們每日都由Bristol 的Airbnb 揸車到Wales的Cardiff,時間約需要55分鐘(全程平均都踩住70英里🙈),最後共睇了九個租盤,都唔知算唔算睇得少🤔?!我們每月預算的租金budget不多,設定在£800。這個價錢,我哋選擇範圍是兩房或三房,在網站search,都會有一定的租盤數量彈出嚟😁!有Flat、Terraced、Semi-detached 等等......
    我們基本上都無乜理會個位置,只要係有agent肯覆,約得到睇嘅,我哋都去睇,我們在第一天睇完三個租盤之後,就發現£800兩房的租盤,好多都係一個大房可以放Queen size床,而另一間只可以有單人床的容量🙄,雖然相比起香港🇭🇰的單位,其實都大好很多,但嚟到英國🇬🇧又好似冇理由住返與香港🇭🇰相同質素嘅屋㗎吓化🙄?!而且我家有四個人,又好似辛苦左少少🙈。之後我們就改,只攻£800三房租盤。
    £800三房盤在Cardiff 確實係有難度,但都有不少嘅😏!只是那些盤嘅位置,一係離市中心比較遠🤔,方便程度......就......🙄。又一係就附近嘅環境比較嘈和複雜,泊車也相對困難🙈,要泊路邊(泊路邊的車保費會貴啲囉😑)。睇左三間之後,我哋只好再把租金向上調整,改為£1,200。
    修改租金上限後,當然多左好多選擇啦!而且那些選擇的質素好好多,真心係好嗰隻喎😍👍🏻!其實係Cardiff 的租盤,我發現上到£1,000的,對於我嚟講已經好好👍🏻好靚!三間雙人床房、花園、車房、幽靜、附近好環境的,絕不難搵到,只是需要考慮去市區嘅距離,針無兩頭利嘅😅!要平,但要高質素,要方便,但要幽靜,要去平衡下囉🙈🙈🙈
    最後到睇第九間,我和老婆一睇就喜歡上了😍!無論屋的間隔、屋的位置、附近嘅環境配套,相信完全符合我哋一家四口在英國🇬🇧新生活的要求😍😍😍,正!我哋嚟到英國🇬🇧的第十七日,終於有屋住了,亦解決了一個最關鍵的問題😎👍🏻

    https://www.facebook.com/jansenkwok/posts/10157705934072876


Log in to reply