罪案率的問題



  • 罪案率的問題
    不用懷疑,倫敦的罪案率比在香港高很多。我老公當年來香港很驚訝於香港的安全度,畢竟我們當年的黑幫片做得不錯,令外國朋友有少許覺得香港不太安全。其實我們香港人幾易信人的,很多女士都愛用無拉鍊的手袋 (當年住香港我也愛用,被家人依依哦哦很多次都不怕有人偷東西)。
    倫敦可不一樣,剛來的還是不要用無拉鍊的手袋了。你一早已被人target了,只是你還未知道。關於偷竊、搶劫的都發生過在我的朋友身上,一個朋友是在著名遊客區Oxford Street差點被偷銀包的, 一個係佢住開個區,被騎著單車的黑人搶劫,還有入屋偷竊🙄被人打破車窗偷竊都有。
    有兩點啦,第一住英國的中國人多了,很多人都覺得呢班人好有錢,唔target你target邊個?第二,香港人太純(蠢), 不夠street wise, 不知世途險惡。我們香港生活的環境相對安全,誰不知喺英國你行行下轉個彎可能已進入了較危險的區,連氣氛都變了。要sense 到呢種氣氛的轉變然後調整自己的狀態,係要一些訓練的,作為新來的移民,很多時無呢個sense. 當你無呢個sense 的時候,criminals 也會知道你是易下手的。
    最近倫敦遊客少了,班壞人通常在遊客區搵食的現在轉到住宅區了。最近同老公在自己區行公園,竟被人target了,說實話,這從來未發生過,可能真係搵食艱難,大家都social distancing ,保持兩米距離,偷竊要咁貼身,當然好難落手。呢一次都真係要讚我老公,畢竟本地人,又喺呢區大,佢既sense 比我強好多。我都不知被人跟著走了一路,事情發生的時候,我聽到後面有人哼歌,我既judgement 係呢個人離我很近,佢應該係傻的 (傻的是我)邊有人貼咁近哼歌,social distancing 呢?佢出手拉我背包外面條拉鍊的一刻,我老公都出手了,直拉著他的衣領,講哂粗口,我都未知發生咩事。然後又突然出現一個人,把我老公同個賊分開,但竟然呢個人都係賊!!我老公即刻話,你咪扮,睇住你兩個係一路跟著我們,係一黨的!原來佢地通常的做法係,一個出手,另一個預備接手,所以一旦被偷了,你即使捉到第一個人,你都搜不到你既失物了,一早就交俾第二個跑遠了。事實上,呢個後來出現的人都無否認我老公的指控,兩個人很快就跑遠了。
    只能說我的訓練仍然不足,不夠sense. 所以,大家都注意下啦,不要讓人覺得你係肥羊,注意自己的直覺。但又不要像內地某些人把背包背前面,你這樣做更易吸引人注意,令人覺得你咁寶貝個背包仲唔係好多錢喺入面?

    https://www.facebook.com/bnopathway/posts/653333621995376


Log in to reply