在英國看醫生



  • 在英國看醫生
    來了英國7年,睇醫生的次數是不多,因為這邊對睇醫生的觀念跟在香港是很不一樣的。
    第一,這邊的NHS 有normal routine booking同emergency booking, 正常、不嚴重的booking要等兩星期。。。對,第一次我被告知要等兩星期,我都覺得很不合理,傷風感冒,我照book, 兩星期後病好了,也不用去了。Emergency booking 的話要早上特定時間打去的,nurse 同你講電話睇下你有咩不舒服,嚴重的會安排個當日booking, 不嚴重的叫你休息下就好了,真有需要再同你book 個routine booking, 咁你話,下,護士咁咪又要等兩個星期,嗯,係呀!
    住到現在,習慣了。以前住香港,一年睇至少4次醫生,每次轉季睇一次。現在住英國,一年睇一次。以前病一起就要睇,現在你病剛起,無人會睇你😂真係好病再返黎啦。
    這裡有兩點要注意⚠️一,這是resources 的問題。NHS是免費的,但resources 有限,小病不要浪費資源。二,這是英國人睇醫生同香港人是不同的問題。年輕人,小病,自己慢慢就好了,傷風感冒,藥只可舒緩你的症狀,幾時好係你身體決定的。如果你真需要傷風感冒藥也可以買成藥。抗生素?無需要不會開俾你,怕你濫用,第時真正有需要再開抗生素已不work.
    筆者就試過尿道炎,尿道炎大家試過嗎?超級痛的好嗎?睇醫生,醫生第一次不肯開抗生素,還有英國有超強止痛藥可以隨便買到,勁過所有香港可買的成藥,叫codeine,勁到有個warning食超過三日可能會上癮😅 可惜身體弱,只靠止痛藥好不了,第二次睇醫生終於大發慈悲開了三日抗生素。三日後,當然還未好,再打去,醫生話,係呀,正常架,但幾日後就會好了,抗生素療程不會cover到你完全好返個日。於是只好等,又真係好返了。
    我有幾個內地朋友就很怕Nhs, 他們係從小打點滴打大的,發燒呀?去醫院打點滴啦!腸胃炎?打點滴啦!有幾次講起,我從未打過點滴,我老公英國人都無打過,佢哋覺得很神奇。很依賴藥物長大的人到了英國真是要適應的。曾經就聽過,一個內地朋友盲腸炎,在英國做了手術後無點滴,無抗生素,要求醫生,醫生不開,傷口發炎,朋友最後飛十幾個小時回國醫。這事有兩面睇,第一英國醫生按病人的年齡認為無開藥的必要,但估計沒有想到病人的文化環境(身體)對藥物的依賴。在我們的角度來看,會很為病人不值,咁慘。但如果呢個病人真的堅持,而真的需要抗生素,其實醫生也會開的(像我的情況), 但性急的中國人、香港人可能等不了,也不願等。所以,大家來了英國,記住,睇醫生也是學問呀!

    https://www.facebook.com/bnopathway/posts/647567509238654


Log in to reply