頭搖又尾擺1



  • 《頭搖又尾擺1》
    個標題純粹懶搞笑,一上motorway到70mph 己經覺得好快下。見到隔離揸成百幾哩,爭分奪秒,望下都夠刺激。
    入正題,英國揸車同香港香港有咩唔同呢?當然有好多la,今次分享下天氣同道路使用者。
    天氣☔⛈🌨🌀
    而家愈來愈凍,日光時間又短。
    冬天氣溫凍,要早起鏟走車窗上的霜。有時冇預時間又或者無預咁凍起霜,番工就遲到。heated windscreen會快d溶雪同霜。
    如果有米,heated wheel 同seat 就perfect。唔係就好似我咁,又唔願起身,燵左部車一陣,一鏟完霜,架車依然好凍,就著住羽絨,帶埋手套同冷帽先出車。🥶
    有時呢度又會落大雪。有次番工番左一半先落得好大,個水潑點潑都冇用,岩岩新牌幾個月,已為就咁玩完😵。老闆見我番到去,重話下次太大雪打比佢,情況許可,可以請假,唔好博。
    落左雪,又未溶哂變左黑雪 black ice,就好跣。 就算唔揸車,行路都撻到攤攤腰。
    朝早有時經過郊區又好大霧,視野好差,要開霧燈都睇唔到咩🧐。
    雨季唔單止大雨, 個水撥要狂撥,條lane a road 都可以水浸,要間水行,甚至搶軚🤣
    另外,夜晚公路唔似香港咁光猛, 要靠車頭燈同 要跟住地上反光石行。
    道路使用者🏇🚗🚖
    呢面揸四個轆車對比其他道路使用者有較高責任。higher duty of care
    感覺上呢度cyclist比香港多,好多公司都有cycle to work scheme.
    有好多時唔能夠安全overtake過車 cyclist。譬如入彎上斜,就唯有望住個屁股,有時送埋butt crack,就係後面等佢地拼命咁wiggle wiggle扭扭扭。
    冬天時,有d單車手唔著hi vi螢光衫,勇者更加頭盔都冇,繁忙時間左串右插,都係要注意。
    有時唔好彩,行人又會突然彈出馬路,咁就要係佢彈之前預定可以閃到。
    咁前面有人騎馬又點好呢?千祈唔好響horn,嚇親隻馬,要比好多空間,慢慢咁過。有時朝早,巡警行孖咇一齊騎馬,好似寓工作於娛樂,見到都覺得悠閒。
    雖然話有好多唔同,揸揸下個腦就auto pilot習慣左.,冇咩大問題😁

    https://www.facebook.com/simplesimplelifeinuk/posts/656500408368935


Log in to reply