避開中共耳目轉機飛英國真係安全啲 ?



  • 近日越嚟越多人話轉機飛安全,但其實點樣轉機先安全你地又搞清楚未? 係咪香港飛德國入英國就等於安全?以下係小編個人見解,如果有錯歡迎討論。

    Google Flights 搜尋結果
    上面例子去Lufthansa買機票要係香港飛Frankfurt再轉機去London,中間仲要停32個鐘 (當然你可以揀離開機場係可以嘅)。有轉機仲入境德國係咪就等於離開香港時港安、中共唔會知道你去咗邊呢 ?

    小編經驗談,曾幾可時小編都係一個窮L背包客。 冇錢飛直航只可以經常要轉機,Lufthansa、KLM、Air France、Aeroflot你諗得出都可能飛過。而每每我買單機機票,比如KLM飛英國,荷蘭(AMS)轉機,check in時已經會被問我有冇簽證,點解唔買回程機票,去果度做乜等等。而更大漏動係當你辦理好Check-in親切地勤會同你講「X小姐,你行李會寄到去目的地英國」即係話其實你終點站已經完全俾人知道曬。然後一張綁起你寄倉行李,一張細嘅貼係護照後面。係人都知你目的地係邊度。

    冇錯你boarding pass會有兩張,但認領你行李張貼紙已經清楚寫明。

    網絡圖片
    咁即係轉機冇用 ?

    NO!!!!

    轉機唔係冇用,而係以上「轉機」太膚淺(笑)。 如果你真係覺得自己係避難,唔想俾人track,請動一動腦筋,簡單地買機票輕鬆轉機嘅並不適合「著草」。 小編膚淺建議有以下幾個要點。 如果你真係覺得有需要而為安全。

    第一程機要買來回票
    機票要分開買,比如你係德國轉機,飛完Lufthansa再買Ryanair。有機票係兩間airline 合作,只係咁係唔適合上面分開買原則。 我會簡單定義,分兩次俾錢即係買兩張唔同機票
    而因為上面兩點,你行李係冇可能直寄到目的地。
    再安全啲歐洲轉多次火車/巴士去第二個國家再飛英國
    記得唔好用自己信用卡買,會俾人發現(笑)
    如果你真係覺得好危險 ,緊記可以轉多兩程機。 怎至停兩三日德國/歐洲、怎至亞洲轉 (台灣了多人飛香港轉英國,大家可以考慮其他亞洲地區再轉)。

    感覺以上係無聊文章,但如果大家真係驚。要避請避得聰明啲啲

    https://www.england01.co.uk/2020/10/27/go-to-uk-safely/


Log in to reply