重要!英國醫療登記GP



  • 重要!英國醫療登記GP  點揀一間適合自己?

    前幾篇有提及到英國 GP 睇醫生 NHS 急症服務、抹片檢查等等,但冇提過點樣登記GP。 所以今次簡單描述,因為每間GP情況唔同登記方法唔同。 所以喱篇可能係廢文,但至少你會有個慨念登記GP係咩一回事 。好簡單程序,我step by Step咁寫清楚再講有咩要注意。 而你需要帶備嘅只係身份證明文件及地址證明。

    先用Postcode搜尋附近GP:https://www.nhs.uk/service-search/find-a-gp記得有距離限制。太遠可能唔接受你申請。
    打電話或去網站查詢登記詳情,有機會要親身填表或者可以網上申請,唔係間間GP都有網站。
    需要填NHS 申請表: https://www.gov.uk/government/publications/gms1 通常GP會提供俾你,亦都可以預先下截填寫。 有GP會有自己另一份登記表需要填寫。登記表格上有語言要求及其他不同詳細資料藥物情況等,你可以按需要填寫(小編冇呢個需要,所以詳細情況我再細心搵資料再整理一下)
    登記完,交曬表格。GP會同你預約時間做基本身體驗查
    預約日期作基本檢查,包括血壓、 量高、體重
    收到確認註冊信,上面會有一個NHS 號碼,如果第時搬屋換GP你有機會要用到。 但好多時佢地係會要求你填寫上一間診所同登記住址去確認病歷記錄。
    如果長期病患或者有需要長期藥物,記得要預備至少兩至三個月藥物。帶齊所有病歷去GP登記,通常會問到有冇需要長期服藥,有咩藥物敏感等等,以上病歷資料建議各位係香港好好預備,始終有病歷詳細醫生寫清清楚楚GP接手時相對比較容易。而所有檢查亦唔係香港咁落樓下驗就可以出結果,所以來回需要時間,我建議大家藥物要預備充足。

    以下係揀GP所需要留意事項。今次隨便搵間GP做例子,多香港人揀曼城我搵間係曼城做例

    The Docs: https://www.nhs.uk/services/gp-surgery/the-docs/PP84683

    圖片來源: NHS
    基本資料,上面提到可以打電話或者上網登記。 係喱一部份兩樣資料都有,大家可以按GP情況去睇點樣登記。

    圖片來源: NHS
    拉落少少會見到GP設施,通常我比較在意係停車場。

    圖片來源: NHS
    然後最重要係Review,我會睇Review去決定到底要唔要揀喱一間GP。當然登記完你可以再換GP係冇問題,而換GP只係需要同上面操作一樣,記得你搬屋都有機會要換GP。而上面喱間GP感覺上係不友善類別,我自己會跳過再揀下一間。

    圖片來源: GOOGLE MAP
    而這間GP比較有趣再睇一睇Google Map上面review又有唔同,可能真係要睇多幾個review先決定。

    https://www.england01.co.uk/2020/10/29/step-by-step-gp-registration/


Log in to reply