致各位香港公民



  • 致各位香港公民
    我冇後悔到投保守黨嘅一票,雖然我記得當時俾英國左膠話我。
    其實而家保守黨都不太保守,都係打住中間偏右嘅旗幟去行偏左嘅政策。
    保守黨London Mayor候選人Shaun Bailey出咗篇公開信撐港人,大致上就係叫大家過嚟London,市長會撐你,內容非常鼓舞!姑勿論佢選到未,但係都睇得出佢係真心撐港人。
    譯做口語版唔好介意,本page一向撐廣東話,要原汁原味,可以睇返英文link。
    —————————
    致各位香港公民:
    喺過去幾年入面,您城市嘅生活已經唔同晒。 您嘅權利被剝奪。 您嘅自由受到限制。 您哋嘅自治受到威脅。
    中國政府試圖破壞香港精神。 呢個正正係我哋政府邀請持BNO護照嘅香港公民嚟英國定居嘅原因。
    您可能仲考慮緊接唔接受呢個offer 。 特別係,您可能考慮緊搬到London。 我知道呢一個係艱難嘅決定。 尤其係要離開您家園,移民喺六千英里之外嘅城市。
    我嘅祖父母喺七十年前都面臨同樣嘅決定。 喺第二次世界大戰為英國奮鬥之後,佢哋從牙買加搬到嚟呢度。 但請相信我,我好感激佢哋嘅決定。
    我由移民家庭到成為London議會議員。 呢個故事只有喺London先有可能發生。 所以,雖然我唔可以同你講你應唔應該移民,但可以話俾您知如果您要移民嘅話應該點做。
    從您抵達London嗰刻起,您嘅人生就會掌握喺自己手中。 您將可以發表自己想法而唔需要擔心被捕。 您將生活喺一個由民選領袖治理下嘅法治城市。 您將重新獲得被中國政府剝奪嘅人權。
    最重要嘅係,我哋非常歡迎您。
    因為儘管共產黨可能唔認同您嘅價值,但Londoner會認同。 我哋知道,香港公民為英國嘅經濟同文化生活都作出咗巨大貢獻。 我哋希望睇到呢個情況可以持續落去。
    實際上,我想走得更遠。 如果我出年當選市長,我會將捍衛人權作為我議程嘅重要部分。
    我將結束London同北京作為姊妹城市嘅安排。 唔單止涉及中國對香港嘅待遇,而且涉及中國對維吾爾族穆斯林嘅待遇。 我將為London嘅香港公民介紹免費諮詢服務。 幫您搵廣東話律師,求職建議,租地方,同埋更多更多。 就好似我哋嘅城市喺脫歐後正確咁為歐盟公民所做嘅一樣。
    London係一個負有全球責任嘅國際化城市。 我將會繼續捍衛。 所以,如果您決定移民,我希望您能以London為家。 我哋所有人,包括香港公民和倫敦人,都會共同受惠。

    Shaun Bailey上
    —————————
    https://hongkongfp.com/.../london-mayor-hopeful-pledges.../
    #倫敦市長
    #英國保守黨
    #撐港人
    #香港人加油

    https://www.bnoliveuk.com/post/致各位香港公民


Log in to reply