報警? 定唔報警?



  • 報警? 定唔報警?

    Half-term 係英國人出外去旅行嘅熱門日子,就係早兩日,一個落緊微雨嘅下晝,當我等待緊Amazon送貨嘅期間,忽然之間有人敲門,一心以為係送貨到咗,點知開門有個頭帶Cap帽口罩,紅色大褸,心口掛住一個NHS牌,嘅貌似南亞籍人士。
    一開始我仲以為佢係 NHS 派來嘅人,但係佢第一句就問我係唔係業主,我話唔係,佢又問我係咪業主啲屋企人。
    一身咁樣嘅打扮,問埋呢啲問題,我除咗覺得你係你踩線之外都唔會有其他嘅原因咁做。我搭晒佢冇之後,梗係問返佢係邊到嚟㗎啦點解要問呢啲問題?佢自稱係來自一間窗門公司,佢答完之後好鬼鼠咁走咗。跟住見到佢沿路逐間拍門,就算你真係sales係呢啲疫情環境之下做啲咁嘅嘢都唔合適啦。
    因為太過詭異,我選擇咗報警求助。
    點樣睇呢啲都唔係緊急嘅案件,係英國梗係打101,好在係本地人做接線生,如果唔係我估講成個鐘都未知我講乜。將件事講咗出嚟,最緊要將點解覺得好可疑嘅重點講比接線生聽之後,佢哋即刻派咗架警車過嚟搵嗰個自稱窗門公司人士。
    同一時間我亦上網,喺當地警察都會用嘅網頁 nextdoor.co.uk,將呢個可疑人出現嘅情況post出嚟,等其他人知道。
    大部份嘅留言都係問我報咗警未甚至叫我直接報警喇,有鄰居話佢喺附近嘅村都有出現。另外係我呢條村嘅FB page 都有人出post。咁即係呢個行為動作係我住呢條鄉村都係好有問題。
    其後我亦收到英國警方嘅來電,同我講返嗰個真係一間窗門公司嘅售貨員,叫我唔使擔心。踩線嗰個梗係乜都冇啦,唔通真係拿住個士巴拿去睇吓你間屋有冇人住咩?希望呢個月唔會有爆格啦
    #Prefercountryside
    #英國住宿安全

    https://www.facebook.com/Prefercountryside/posts/1290738767949197


Log in to reply