經過要收錢嘅公路記得準時上網交呀口



  • 經過要收錢嘅公路記得準時上網交呀口
    否則要罰錢,比貴28倍!!!!

    喺英國大部分嘅公路都唔需要收錢,除咗某啲特別嘅建設項目,例如位於倫敦東面 M25 嘅 Dartford Crossing。
    當你有機會揸車經過佢嘅時候,因為通過嘅車輛數目實在太多,佢唔會有收費亭比你收錢,反而你係需要上網自己畀錢,記得係有時間限制。
    當由早上6點至夜晚十點經過呢條天橋,你嘅行車紀錄,車牌號碼就會自動畀佢影張相嘅錄低,不論你揸乜嘢車都好都需要畀,租車更加要畀否則租車公司會額外收費。
    其實呢個過橋費唔係好貴,私家車每次經過只不過係 £2.5,有機會畀你上呢條橋參觀下都抵畀。記得佢比錢時限時係經過之後一日嘅午夜12點之前。遲一分鐘畀當你冇交,你以為交咗,佢之後都會根據車牌號碼寄返封信畀車主,好似相裏面嗰張。
    雖然佢前後好多公里都不斷有只是提你畀錢,但過咗就一定會唔記得囉。
    呢封罰款通知書會同你,話你幾時經過呢條橋影埋張相,加上你唔記得畀錢所以要罰款£70。佢對大家好好嘅,如果喺發信日期14日內畀罰款嘅話可以平一半。遲過十四日梗係畀貴啲啦。
    我都唔係第一次收到呢封信,第一次我真係遲咗一分鐘交,打電話上去佢相信我冇心所以冇罰我錢。為咗之後唔好再發生同樣嘅事,我特登喺佢哋網頁開咗個帳戶,仲約埋信用卡資料等佢可以直接過數。
    我喺對上嗰次過橋之後嘅一日,未夠午夜之前上網開咗呢個戶口,當時佢個系統顯示我冇欠款。我遲兩日再經過多一次之後即刻收到電郵話佢過咗數,即係佢個系統冇問題啦。
    點知今日又收到呢封罰款通知書,打電話上去,聽咗十分鐘音樂,有專人接聽,講返個情況畀佢聽之後佢一睇番啲紀錄,就話我登記戶口同埋入卡資料嘅時間係喺限時之內,所以會幫我今次嘅紀錄根據我登記嘅資料過數比£2.5,冇罰錢。
    喺我嘅經歷見到佢哋都有適當嘅酌情權,但係呢個酌情權,佢都係基於我有證據,顯示到畀佢睇我係跟佢哋嘅遊戲玩法玩,先會畀出嚟。
    所以過嚟英國要有一個銀行戶口係好緊要
    想申請 Monzo 個人戶口可以咁下面條link
    https://join.monzo.com/r/t1ke3nh
    想登記呢條天橋付費帳號可以撳下面條link
    https://www.gov.uk/pay-dartford-crossing-charge
    可以用個人或者商業身份去申請戶口
    #BNO
    #Prefercountryside
    #英國自駕遊
    #英國揸車

    https://www.facebook.com/Prefercountryside/posts/1235525416803866


Log in to reply