移民英國唔再做擠迫戶
-
移民英國唔再做擠迫戶
細細個讀書已經知道「香港地少人多」，169呎住四個人，簡直係不可思議神乎其技。 咁英國租是但一間屋都一定大過169呎 ，咁即係租一間一房都一定夠一家大細住，即刻間間都係豪宅。
但其實英國有限制， 如果間屋係擠迫戶其實係犯法。所以租屋時如果業主知道你地人數超過上限佢地係唔可以租俾你。 而如果你地毀約，即係本來話兩個人住 ，結果三四個人一齊。業主有權因為毀約終止租約。
咁到底點樣去決定有冇過於擠逼? 大至上有兩個要點。
房間規定
任何人兩個人超過10歲，而需要瞓係同一間房。除左10歲以下小朋友，或情侶 。
空間規定按法律有兩個方法去判斷係咪擠逼戶。
首先人數計算:
10歲或以上計1個人
1-9歲小孩計0.5個人
1歲以下唔計
然後就係房數目及每間房大少。 以下情況房間係唔計:50平方呎或4.6平方米以下
非睡房或客廳(起居室)
下圖有更詳細分析所以搵屋時記得數清楚自己人數，搵返適合嘅屋。 如果唔係得個睇字業主都唔會租俾你。
