英國醫療服務你知唔知咩係 : NHS、GP、IHS、NI



  • 我諗個個都大慨聽過NHS、IHS ,然後淨係知申請簽證要俾一舊錢叫IHS,然後搞唔清來IHS同NHS係咩。今次簡單解釋一下。

    NHS – National Health Service

    英國公共醫療服務 – 英國公共資助醫療系統的統稱簡單解釋即係醫管局。 由1948年開始靠稅收運作。所有睇醫生、急症等等都係由NHS提供。 喱三粒字你唔可以唔識。 英國大大小小健康資訊都係由NHS提供。 包括依家武肺抗疫資料、疫情、抗疫資訊都係由NHS發出。NHS係英國人心目中係最可靠最自豪嘅醫療體系。

    GP – General practitioners

    全科醫療 – 我會解釋為香港普通科門診。 一般基本診症同最初始嘅判斷都係由GP去處理。同香港家庭醫生一樣,經過診斷有需要先會轉你去專科或者做更多檢查。而睇GP係唔洗錢架,係屋企附近搵返間GP登記,因為GP會提供上門診症 ,所以登記GP亦有區域限制。登記GP需要身份證明及住址證明 ,填表然後預約基本檢查咁就可以開始享用NHS嘅服務喇。

    IHS – Immigration Health Surcharge

    顧名思義移民健康附加費。 喱舊錢交嘅就係NHS服務費。 所有新移民人仕都要繳交。所以咩IHS同NHS,一啲都唔亂。 IHS係收費名稱 、NHS係收費機構,即刻清楚曬。

    NI – National Insurance

    國民保險 – 成日講話搵工就要apply NI,但其實好似冇乜人講NI其實係啲乜。我會咁樣解釋 NHS開資基本上係來自NI。當然叫得保險當中仲有好多其他保障都係靠喱舊錢去運作。所以點解政府咁睇重NI。而交幾多就係下圖。所以一出糧唔止上繳20% 稅仲有12% 或者 2% NI 。 亦都係因為咁所以移民人仕要繳付IHS,因為本地英國人早早就開始交NI。 咁樣計落都好公平。但心水清,有返工新然移就俾左雙倍 IHS俾完返工仲要交NI。

    source
    https://www.england01.co.uk/2020/10/07/do-you-know-nhs-ihs-gp-and-ni/


Log in to reply