破「世紀英國移民難題」冇地址開唔到戶口,租唔到屋, 冇地址 無限Loop



  • 破「世紀英國移民難題」冇地址開唔到戶口,租唔到屋, 冇地址 無限Loop

    是咁的,最近小編見到Whatsapp 同facebook群組熱烈討論「世紀英國移民難題」: 落地英國冇地址證明、開唔到銀行戶口、 冇銀行戶口就租唔到屋、租唔到屋冇地址證明、開唔到銀行戶口、什至搵唔到工然後無限輪迴。

    有見及似有好心港人供應世紀筍盤 : £2200 三房免任何Credit check。一破世紀難題。

    網絡圖片
    但其實事實又係咪咁 ?正常3房£1100 係可以租到,£2200接近多高速正常價錢一倍。 幫緊香港人定劏緊香港人?以下係小編個人見解希望真心幫到香港人。

    租屋

    每間屋都會因應業主要求而有唔同。 有業主要check你收入,有業主要check Credit Score。 咁當然都有業主覺得有錢就係人品好。 千花百門,雖然話英國租樓唔係有錢大曬。 但並唔等於有錢都搞唔掂。

    另外可以上各大面書分租群組搵房。 如果London 區其實搵工作假期分租選擇都幾多。 由於華人業主放盤多(如果用中文搵群組)自然租屋有錢等於人品好。但當然搵屋係緣份、努力、同人品。

    我會建議剛到步住酒店或BnB嘅港人,一落地搵Agent並提供你預算、實際情況,怎至同佢講你想交半年租免credit check 等等要求。 然後等佢俾盤你睇。 好過自己盲摸,而且有時Agent放上網有機會已經租出。

    租屋Credit Score checking其實係要提供三年住址資料去追查。並唔係銀行月結單一張可以完成。 而有啲到需要你前業主Reference 。而我最近一次租樓經驗係Agent 會send link俾我上網填曬所有資料包括僱主聯絡等等。

    銀行戶口

    事實係需要地址先可以開戶口 ,而每間銀行要求都唔同。 同時某啲銀行係需Credit Check。 小編親身經歷當時想係N字頭銀行開 Joint Accounnt,但因為我冇三年英國住址所以申請被拒。一般開銀行戶口必需要先預約填表,會講明需要咩文件,記得每間銀行要求都唔同預約時記得問清楚。而每間銀行要求有唔同,所以可能要一間間問,但總有比較易開到戶口嘅銀行。

    而依家有熱門網上銀行,比如 Monzo,佢要求係戶照同埋拍一個短片證明親身apply 咁就可以開戶大慨只係需要一星期就會收到銀行卡。但Monzo係比較新嘅網上銀行經常有不利消息,唔建議放太多錢。

    好重要! 好重要! 好重要! 有銀行戶口唔等於你有Credit Score。如果有睇上一個post關於 Credit Score其實係用三年住址去查,唔係一有銀行戶口就有,

    結論

    傳聞中話相屋需要有銀行戶口,其實完全不成立。 租屋係需要credit check,有行銀月結單可以做Reference做住地址證明,但你冇住夠三年其實你都未建立到你嘅Credit Score 咁即係Check唔Check你都係冇。所以其實兩者冇絕對關係。而搵屋、搵工係可以同時間進行。銀行可以到你搵到工先要求僱主寫信申請銀行註明出糧用, 而交租絕對可以碌卡或者網上過數。

    而更重要係,工作假期實行咁多年。 咁多後生仔冇能力預繳半年租都可以搵到屋,開到銀行搵到工。 咁點解我地BNO移民有曬預算都咁擔心?

    努力啊!! 香港人,其實唔難只係冇想像中咁易你得架!!

    source
    https://www.england01.co.uk/2020/10/05/no-address-no-bank-no-rent/


Log in to reply