英國巴士可以找錢?



  • 香港其中一個偉大發明係八達通,一卡旁身全港通行。 所有交通工到各大小商店都可以用八達通俾錢。 英國都有! 有Oyster!!! 可惜Oyster只係London先用到。但個個都話London貴,唔住London,咁其他地方交通點算啊 ?!

    公共交通工具每個城市都略有不同,同一個城市都會有幾間唔同公司但售票方式都差不多,以下資料純屬個人生活經驗。

    巴士上面現場買

    上巴士可以同司機講要單程或來回票,有啲城市係會按區域有唔同收費,所以建議可以同司機講去邊個站。俾錢可以直接用卡或者現金。 建議帶散紙,但其實九成九都有得找。 信用卡都係有Contatctless,直接銀行扣錢。 如果買來回/日票記得收好張飛。下一程車要俾返司機睇。

    車飛會寫住係Day Ticket有日子,俾返司機睇就可以上車架喇。
    網上 / 手機App買

    同一般online購物 一樣都係用卡俾,有好多唔同套票選擇,可以按個人需要去買。 唔同公司都唔同所以要按地區同埋按你返工路線去揀適合巴士套票。同一個個city都會有兩三間唔同巴士公司,所以揀果時要睇清楚啊。

    站頭/ 一般商店

    除咗英國外其他歐洲地方都有類似服務,除咗站頭客服就係指定商店購票總類一樣。 但依家最平通常都係網上 /app買 。

    買左飛之後會有一個QR code (如果商店買實體飛係一張硬啲嘅紙) , 或者直接係App度生成一個QR code ,上車果時係部機度掃一下就搞掂架喇。

    網絡圖片
    有啲大城市有電車,有啲車飛係會包埋電車,因為唔同城市有唔同套票選項所以真係要自己細心去研究。

    source
    https://www.england01.co.uk/2020/09/17/uk-bus-ticket/


Log in to reply