你必要知道的,到步英國五件事



  • 一提到移民英國有啲人未到步已經買咗樓,諗住咁就可以一到步就安安樂樂?錯喇 !!! 以下係五樣你必需要完成嘅任務。

    入境拎BRP或有需要去警署報到
    現有不同的簽證類別,都只會係你護照上面貼上一個短期簽證。 指定日子內入境並去指定地方領取BRP(英國身份證),更有可能需要去警署報到。
    登記Council Tax
    當你成功租樓或者你已經有物業開始搬入去住 。 第一件事係上返去你地區所屬政府網站登記Council Tax。 重要原因並唔係因為要交錢,而係喱個會係你日後申請所有戶口銀行、 登記GP都一定需要,而又唔會俾人話拒絕嘅地址證明文件。Brimingham 為例 : https://www.birmingham.gov.uk/info/20005/council_tax/886/register_for_council_tax 可以直接去網上電郵登記。 每個城市都會有唔同,有D可能要親身去Council 先可以登記。登記完通常兩三日就會收到Council tax Bill 咁你就可以拎住去用 。 Council tax係可以聯名。 如果你同另一半一齊要用記得兩個名都填好。

    登記GP (General practitioner)
    建議先上網搜尋屋企附近嘅GP (即係診所) https://www.nhs.uk/service-search/find-a-gp 然後去登記,正常需要親身填表登記,但依家疫情關係每家GP都有唔同要求。登記之後你有咩頭頭暈身㷫都係去返喱度睇醫生 。而記得搬屋要再登記,而且有限同一個post Code入面先可以登記。
    開銀行戶口
    日經話題,每日都有人問點係香港開英國戶口。 其實如果唔執著HSBC,英國戶口有好多選擇,但記得打電話去確定所需文件。個人覺得HSBC冇特別好,所以冇必要執著。記得先打電話預約,而要有不死心去一間一間試,建議搵比較新嘅銀行,開戶要求會比較低。但銀行要確定有FSCS保障,咁你嘅存款先安全。
    開NI (National Insurance)
    NI 號碼 就係一個跟你一世嘅保險號碼。有返工要交稅,雇主就會問你要NI。而喱個NI就會跟你一世,係你英國保險號碼,要查自己有冇交多咗稅或者要求退稅都係用NI。而登記NI方法因為疫情都改變得幾快,詳情可以去:https://www.gov.uk/apply-national-insurance-number
    當然移民又邊止咁少重要事 。 但以上五樣我覺得係最先決要處理好安頓好。仲有其他水電煤登記等都可以慢慢搞。

    source
    https://www.england01.co.uk/2020/09/11/5things-you-must-do-when-you-arrival/


Log in to reply