2020/11/24
Black Friday & Cyber Monday
Black Friday, 又名黑色星期五，黑色購物節，是11月最後一個星期五。

Black Friday 的起源，最普遍的說法，是由於這一天是美國的感恩節後一天。感恩節是在每年11月最後一個星期四，這個節日在美國是一個大節，傳統上，美國人在渡過了感恩節後，便開始預備聖誕節。各商家會在感恩節後的星期五開始瘋狂減價，不少商店會提早開店迎接購物的人，而人民亦會一早排隊購買特價貨品。

傳統上商家會用不同顏色的墨水來記帳：紅色表示虧損即赤字；反之黑色則為有盈利。而商家把這個星期五叫做黑色星期五，用以期待這一天過後，年度營收由負轉正，由紅字轉為黑字。

黑色星期五這一天一般都會是一個大的採購狂潮，銷售額是一年中第二或第三高的一天，而通常一年中銷售額最高潮是聖誕節前夕或之前的一個星期六。

在黑色星期五這天，絕大多數商店都會清晨五、六點鐘就開門，有的甚至更早。更有的商家在周四傍晚六點開門。商家更會採取提前在感恩節幾天前的報紙上刊登廣告，發放優惠券，對商品大幅降價等措施來吸引顧客。很多消費者把這一天看作準備聖誕禮物或買到便宜貨的黃金時刻，由於降價商品數量有限，很多熱門商店門前在前一天晚上就會排起長隊。

Cyber Monday, 則是Black Friday 之後的星期一，由於網上購物盛行，單單一天的Black Friday 不能滿足各顧客的需要。各網上商店都會把各種購物優惠延伸至整個周未，故此，不少商店的購物節便從星期五延續至星期一，吸引更多客人網上購物。Cyber Monday 又稱為一年之中線上購物快速銷售的日子。

時至今天，Black Friday 的購物興祝活動已傳遍各地。在英國，各實體店鋪，網上商店都會在 Black Friday 前開始推出不同的特價優惠，吸引顧客購物。不少人早於11月初便開始留意各商家的優惠活動，期望把一年的購物清單在Black Friday 用最優勢價錢買回家，再加上聖誕節是英國傳統大節日，不少人會購買各種聖誕裝飾和聖誕禮物來興祝，令英國的Black Friday 更熱鬧。

以下，列出著名的英國購物網站，給大家參考一下。若大家是初移民到英國，不妨趁這個機會，為新家添置家居用品。

https://www.amazon.co.uk/

Amazon: 全球最大網上商店，在英國，Amazon 幾乎什麼都有，非常方便

https://www.argos.co.uk/

Argos: 主打各種家居用品, 玩具, 電器等等

https://www.johnlewis.com/

John Lweis: 英國著名百貨公司, 買電器的話, 可以加購延長保養

https://www.currys.co.uk/gbuk/index.html

Currys: 主打電腦, 電話 及各種電器

https://www.smythstoys.com/uk/en-gb/

Smyths Toys: 英國連鎖玩具店, 買玩具給小朋友最適合

https://www.diy.com/

B&Q: 主打DIY, 家居裝修, 園藝用品

https://www.therange.co.uk/

The Range: 家居用品

https://jcinuk.blogspot.com/2020/11/black-friday-cyber-monday.html

《一分錢一分貨》
Aldi 同Lidl 冇送貨，開親係雜d 的區。checkout好似趕住去咩咁，其他顧客都有少少形跡可疑。
講真去過一兩次，quality真係麻麻。
同埋講真，貨品多數有特價先買，都唔爭太多。
以焗豆為例，heniz較為中價，但好多時multiple pack有特價。 超市自家牌係平，三分二係汁，唔次heniz packed 到滿哂。一味追最平，可能得不償失。
網上超市Morrison Asda Tesco Sainsbury's Waitrose Ocado 都用過。Quality 來講Morrison Waitrose Ocado都好好，但整體服務（driver ,service,refund）Ocado, Morrison就最好。而家Ocado 又比馬莎買起左一半，可以直送m&s food . Asda 送貨都唔錯，價錢又平，若然唔買肉都okay。上次個生果爛左，Tesco 要打上去refund, 費事煩就豪比佢。Morrison,Asda, Ocado禁個制就refund得。
簡單來講，每間超市都有唔同野賣，服務質素各有千秋，得閒轉下睇下，領教過就知鐘意邊間。

https://www.facebook.com/simplesimplelifeinuk/posts/622761675076142

英國租樓完約時有乜 High (結果) ?

上回講到係退租嘅時候大家對間屋嘅乾淨整潔有拗撬，所以係TDS 開咗一個 “糾紛案件”。
球證、旁證、足協、足總、足委，全部都你嘅人? 好在英國未發展到咁全面。
係九月頭業主透過地產代理上載左佢哋嘅 Check Out Report，我哋亦喺同一個系統上面上載晒之前影低好清楚嘅相上去。
雖然有文字上嘅解說，不過根據佢哋嘅結果報告黎睇就好似冇乜幫助啦。
TSD 個報告結果都話，業主個方面不需要提供已經搵人維修左嘅紀錄俾佢，佢只會透過雙方比出嚟嘅證據去比較。
你話我嘥時間又好，但係如果係第一步，即係退租之前收到地產代理電郵叫我搵佢嘅相熟清潔公司清潔嘅話，我相信除咗搵清潔公司清潔嘅錢之外，退租之後另外一定要再有其他嘢嘅問題要再俾。睇相有報價價錢。
記住，你哋日後都有機會出現同樣嘅問題，地產代理或者業主淨係可以將"糾紛案件”裏面傾唔掂數嘅價錢扣起，之後應該將嗰舊錢送去俾 TDS 做最後決定，按金扣起左呢個糾紛金額之後嘅其他餘額要俾返你，佢哋會扮晒蟹唔俾，你記得電郵問佢哋再cc 比TDS。
英國投訴啲乜都係講證據
同租車一樣，你冇實質證據顯示起到嗰陣時冇問題，而家我見到的話就係你嘅問題。
睇返之前噏乜
英國租樓完約時有乜 High? (2020-09-04)
https://www.facebook.com/Prefercountryside/posts/1240339992989075

#英國租樓
#BNO
#prefercountryside
#ukhongkongers

https://www.facebook.com/Prefercountryside/posts/1284871875202553

大型全球連鎖店Costco 係全英國各個地區都有分店。屬於大型超市百貨公司。 好多季節性貨品、 家庭用品、食品以優惠價出售，而且品質好。今次我想介紹Costco Cheap食之選。

香港人到英國第一件事係識慳錢，因為你唔一定即刻搵到工，食得平用得平其實好重要。 今次要推介Costco 平食。係超給簡便快餐關係選擇好簡單，而最搶眼莫過於熱狗!!£1.5 仲要連汽水任飲。另外我Gelato £2有三球我都覺得好抵食。

攝於Costco
Costco係會員限定，想平食記得先要入會啊。 Costco會員費第一次俾可能覺得有啲貴，但佢入油平、 貨品質素好，一年計其實都慳唔少。我下次再詳細介紹Costco啦 。

source
https://www.england01.co.uk/2020/09/21/costco-hotdog-cheap-dinner/

【移居英國】留英港人親身分享 15件移居英國必知的事！

【移居英國】最近英國政府計劃向BNO港人提供居留許可，大家聽完有冇心動，但又擔心無法適應當地生活，尤其是能否在英國從事香港原來的工作？會否失業？編輯和大家一樣有十萬個黑人問號。因此，請來了「英適生活」創辦人Lukas，當初他申請了working holiday visa留英，後來獲得當地顧主擔保獲批working visa。現已移居英國3年，不時會在網站分享留英資訊，今次他就分享了15件移居英國必知的事，大家在作決定前不妨參考一下。
撰文：Yuen｜資料來源：[email protected]英適生活

移居英國15件必知的事

1. 如要移居英國，建議帶多少錢才可維持在英國生活？

最主要視乎個人需要，如果有較充足的資金，建議帶足一年的生活費。不過受訪者認為8-9個月已足夠，以他個人為例，當時他只帶了港幣4至5萬現金，銀行再存放了港幣2至3萬，總共港幣8至10萬。最主要是用於租屋，因為剛到埗不能提供任何收入或工作證明，因此，當地業主有可能會要求繳付更多的按金，甚至要多付一個月以上的租金。

移居英國, 移民, 英國, BNO,
記得預留一筆資金存放入銀行！（圖片來源：Bloomberg）
2. 在英國找工作困難嗎？一般最快幾耐會找到工作？

廣告
許多人最擔心在英國找工作會很困難，事實上要視乎找甚麼工種！如果找一些較專業的工種，相對上找工作會很容易。甚或乎願意做任何工作，如侍應、倉務員、活動策劃員等等。因為英國散工種類很多，職業要求不高，英文不用很流利，坊間亦有不同的兼職apps，所以最快幾天內也可找到工作。以下是兩個主要找散工的apps：

移居英國, 移民, 英國, BNO,
Rota-較多侍應和廚房工作。App會根據所在地區和時間尋找附近的散工。
移居英國, 移民, 英國, BNO,
Job Today工作種類較廣！除了餐飲類也有很多倉庫、售貨員或興趣班導師等工作。
廣告
3. 如果想做回在香港的本業，會否很困難？找工作從何入手？

同樣要視乎香港原來從事的工作，如果在香港從事文職，相對性要找相同工種的時間會較耐。以另一個受訪者Leo為例，原本他在香港從事銀行業，剛抵埗很快便找到多份散工，大約3個月時間，已經獲得當地銀行錄用。因此，只在乎於本人對做回本業的決心，如本身擁有專業技能，更不用擔心找不到工作的問題。

移居英國, 移民, 英國, BNO,
最主要是看個人技能，非常現實。（圖片來源：Fotolia）
其實和香港找工作一樣，主要去linkedin、Reed、Indeed等求職網，按個人專業技能找相關工作。不過受訪者有提到，很多工作空缺都是由獵頭公司中介人找人，所以未必會透露僱主名稱或直接發放在求職網，因此，可以執靚個人履歷並設定為公開，讓他們直接找上門。

閱讀全文
https://www.gotrip.hk/566272/旅遊/旅遊熱話/itineraryguide/移居英國-bno-移民/5/

《今晚煮乜餸》
平時煮咩食
因為老公本地人，有朋友以為我餐餐都食意粉或者日日食薯仔。
大概係一半一半或者三分一食西餐，今日頹頹地煮咗菜遠火腩飯，老公都好捧場。
已經好耐冇去過中國超市因為要揸車出去。如果要買，都係上網搞掂。
今日全部都係網上超級市場買Ocado /Morrison
菜心 Morrison £1x2
豬腩肉 m&s£3.5
李錦記芝麻油 ocado £2.8
蒜頭 ocado 20p
李錦記同淘大 Asda Tesco Morrison Ocado 都有， 有時平過中國超市。
當然，呢面有外賣，但係貴過自己煮，同埋可能人大左，唔係好頂到味精，飲左成肚水重好口乾。
#英國生活 #英國媽媽 #英國師奶

️其實我地有落地服務，英語練習，聯絡地產經紀等等，有興趣可以傾傾️

想support下
https://ko-fi.com/fromhktouk

https://www.facebook.com/simplesimplelifeinuk/posts/640630693289240

【倫敦美食推薦：台式包子店BAO】
BAO在倫敦已有三間分店，是較爲有名氣及格調的台灣小食，不要以爲這裏只是平平無奇的 “包子店” 其實到了晚上很容易大排長龍。
接下來就讓小編推薦一下這間包子店的人氣小食，大家可以試試看！
烟熏茄子（Cold Smoked Aubergine）
茄子中式調味融合日式麵包屑炸出來的饅頭片，混合出意想不到的味道。
燒牛肉飯（40 Day Aged Beef Rump）
賣相和味道集於一身的一道主食。五分熟的嫩牛肉加上生食的無菌蛋，攪拌器來就成爲了一道讓人欲罷不能的滿足感。
營養蝦鬆（Prawn Shia Song BAO）
蝦鬆口感奇妙，比蝦滑軟嫩，調味也保留了蝦的鮮美，又不會太過平淡。從外形到口感都很融合的一道菜式，有點像Japandog。
鹹酥鷄（Taiwanese Fried Chicken）& 豬血糕 （Pig Blood Cake）
台式食店怎麽可能沒有鹹酥鷄和豬血糕呢？吃不飽的話也是可以點一份帶走，邊看劇邊吃也是個不錯的選擇。
對了！BAO除了食物有水準之外，設計也是非常搞怪的，粉絲也會買他們的明信片、T恤、飲料等帶回家，超級可愛！
網址：https://baolondon.com/

https://www.facebook.com/UK360news/posts/975719722903995

不如今日同大家share一下我哋用HKsar passport apply LOTR入境時準備咗啲咩交件比大家參考吓

1. 出世紙（無出示）- 純粹打算跟住自己身
2. 結婚証書（無出示）- 正本、影印本
3. Bank statement （有出示）- Hardcopy (3 months) , screen cap 因為銀碼有變但又未出Monthly statement 所以最後出示咗Screen cap 最update 比officer 睇
4. HKID card （無出示）- Hardcopy
5. Stay proof （有出示）- Hardcopy 電郵截圖
6. Job offer proof （無出示）- 淨係口講咗比officer 知，佢無叫出示任何證明
7. Health declaration form （有出示）- Hardcopy，即健康申報表，入境前48小時要填
https://www.gov.uk/provide-journey-contact-details-before...
8. BNO process proof （有出示，officer拎咗去影印）- Hardcopy，由於我哋係用HKsar passport 入境，所以要show 比Officer 睇我哋係有apply 緊BNO，只係未到手
9. 保險（無出示）- Hardcopy，半年旅遊保



   而機票我哋係買來回機票嘅，至於上機我哋預備咗個飛機包，放晒所有消毒用品等等，始終上機唔想拎太多野出嚟嘛。而裝備口罩當然唔少得，然後每人帶咗副平光鏡，去廁所帶即棄手套（好唔環保但無辦法啦/0) 喺IG upload 咗段由屋企到英國成個過程嘅片，大家有興趣可以去望下喔;)
   頭盔一定要帶，都係果句我唔係expert 以上純粹係個人分享，個個機場個個officer 可能做法都唔同，建議大家準備好所有文件喔 到時候就唔洗咁驚青啦～
   想睇更多相同片please follow my IG : gaa1syu1

source
https://www.facebook.com/Gaa1syu1/posts/108222811063203

近日，英國宣布將擴大BNO護照的權利，變相提供途徑予持有人申請移民英國。在英國的生活開支是怎樣的？在英國居住的港人、Facebook專頁「港媽 • 講英」早前撰文分享，一家四口居於英國中部（伯明翰附近）所需的生活費，買餸、入油、保險等開支合共需要大約港幣10,000左右：
撰文：港媽 • 講英｜圖片：港媽 • 講英、unsplash

好多人會問我喺英國嘅生活指數係幾多，每個月大概要幾多錢使費。買餸錢、入油費、Council Tax、水電煤氣費，加埋每年嘅汽車年檢、樓宇保險、汽車保險，我哋一家四口，大概每月港幣10,000左右。

咁以上嘅支出，大部份都比較容易掌握同理解，唯獨係買餸錢。

移民英國｜一家四口每月生活費只需約港幣1萬元？一星期買餸開支、餐單分享｜港媽 • 講英在英國的生活開支是怎樣的？（圖片：unsplash）
我哋一家四口，兩大兩細（2歲同4歲），每星期嘅買餸錢大概150至200英磅左右，即係港紙大概1,500元至2,000元。咁之但係到底150至200英磅係食咩㗎呢？餐餐食薯仔食麵包可以唔使50磅一個星期添，但係呢啲似叫生存多過似生活。

以下想分享一下我哋一家嘅兩日餐單。一日係「家常便飯日」，即係話普普通通，唔太貴唔太複雜，煮咗唔會有人complain嘅餐。另外一日係「輕lux日」，即係港媽心情靚、有時間、有心機，買嘢買得鬆手啲，煮完出嚟會有人問：「嘩，今日咩事咁高興？」

當然每日餸錢唔會係150英磅/7。今日可能多啲，聽日可能平啲，拉上補下，儘量維持每星期150-200英磅。你咪當5日家常便飯，星期五同六兩日要chill吓，就輕lux吓囉。

以下價錢係除開咗每人份量嘅價錢。調味料唔知點除，我就當每人用0.25至0.50英磅。飯我哋一家大概食一嘜半，當每餐要30英磅，其實都可能計多咗。（酒樓食飯叫碗白飯，原來食水咁深⋯⋯）

我分別會係3類超市買餸：中價超市Sainsbury’s ／tesco，貴超市M&S同bulk buy Costco。所以以下有啲數怪怪地，係因為bulk buy再除開條數。

家常便飯日 共需22.18英磅

早餐：3.96英磅

大人：無糖豆漿浸過夜燕麥（含蜂蜜及奇亞籽），加上新鮮的藍莓、香蕉片和南瓜籽，配上Nespresso咖啡

豆漿 (一杯）- £0.20
燕麥 （一杯）- £0.20
蜂蜜 / 奇亞籽／南瓜籽 （量太少，所以全部加埋）- £0.30
藍莓 – £0.30
香蕉（半條）- £0.12
咖啡capsule（一粒）- £0.33
£1.45 x 2個大人= £2.90

小朋友：早餐麥片加牛奶，配上香蕉及烚蛋

麥片 – £0.20
牛奶 （一杯）- £0.10
香蕉（半條）- £0.12
雞蛋（一隻）- £0.11
£0.53 x 2個小朋友 = £1.06

午餐：9.42英磅

大人加小朋友：自家製番茄免治牛通粉

新鮮蕃茄（1/4包）- £0.19
免治牛肉（1/8盒）- £0.25
長通粉 – £0.20
洋蔥／蒜頭／調味料 – £0.50
蘑菇（一盒）- £1.00
咖啡capsule（一粒）- £0.33
牛奶 （一杯）- £0.10
£2.47 x 2個大人 = £4.94
£2.24 x 2個小朋友 = £4.48

晚餐：8.80英磅

大人加小朋友：暗然銷魂飯加支大啤

梅頭肉 – £0.65
叉燒醬／柱侯醬／生抽／蜜糖 / 調味料 – £0.50
青菜 – £0.25
白飯 – £0.30
啤酒 – £1.00
£1.70 x 2個小朋友= £3.40
£2.70 x 2個大人= £5.40

https://www.edigest.hk/article/167591/移民/移民英國-一家四口-每月-生活費-買餸-開支-餐單-港媽/6/

【英國本土版：麥記／KFC／哈根達c】⁣
⁣
如果我同你講，黎到英國之後，有時落樓下食唔到麥記扭扭粉我會灰J，你會唔會覺得我好唔爭氣？⁣
⁣
但係去到英國超市，長期買到特價£2.5 有家庭版haagen dazs，個心理又平衡返好多。⁣
⁣
#如有錯漏煩請高人指點
⁣
麥當當⁣
作為快餐首選之一嘅M記係英國餐牌選擇其實唔多，亦無香港金拱門咁多其間限定。⁣⁣不過基本野大致相同。⁣⁣⁣
⁣
首先英國M記無脆香雞翼食，唔知係咪KFC做得太好，英國M記選擇直頭放棄唔做。但有炸雞胸(chicken selects)？我都唔係好識譯。⁣
⁣
早餐方面，英國無好香港人口味嘅扭扭粉早餐。⁣
甜品方面⁣⁣，英國人咁鍾意食雪糕竟然係無Sundae。⁣
⁣
當然M記招牌菜Big Mac，Chicken nuggets，Apple pie，Cheese burger，麥旋風，魚柳bell chan依然通通都有。⁣⁣⁣
⁣
但唔會定時推出香港人口味嘅產品，例如最新推出嘅黑糖珍珠奶茶同我好鍾意嘅shake shake薯條。⁣⁣相反英國M記會出好英國人口味嘅milkshake。⁣⁣⁣
⁣
大部分餐價介於£4.49至£5.99之間，聽落好似好貴，但以英國最底時薪工資為£8.72(age over 25)去計，買到一個餐有凸。⁣⁣係香港唔食超值套餐的話，有機會要貼錢先食到個餐。⁣⁣⁣
⁣
味道方面，有人話日本麥當奴最好食，但係英國我個人覺得無咩大分別。⁣⁣所以只要大家唔好有任何寄望，就唔會有失望。⁣⁣⁣
⁣
KFC 特別在係呢邊好興vegan，出左好多有蔬菜既選擇，而且有halal雞。⁣
⁣
Haagen dazs 簡直係英國生活既重點（只代表本台立場），香港一桶要80幾蚊，呢邊長期減價£2.5 有一桶。⁣
⁣
有冇人知呢邊pizza hut有冇蒜香肉絲意粉？⁣

https://www.facebook.com/lionrockhill.uk/posts/176858040725489

八大英國廚房實用小用具
繼上一篇: 英國廚房必備小電器 之後

也有人問廚房有咩用品係英國有, 有咩係需要係香港帶過去呢?

所以, 今篇就講下有咩實用廚房用品去煮中式, 日式, 韓式美食

要知道, 在英國和香港最大分別, 就是不能經常吃到各國美食

想吃什麼都要自己煮的情況下

有啱用又好用既工具, 就可以事半功倍了

以下東西, 不一定要在香港買

英國也有不少選擇

廚房增添了以下東西後,

煮的東西變化就大得多了

NO 1 蒸籠

首先, 若大家有興趣在家扮飲茶, 當然需要有蒸籠

蒸籠, 係各大中超都有得買, 由4" 至12" 都有, 還有單層和雙層選擇

最緊要個WOK 夠大

NO 2 中式WOK

英國都有WOK, 不過, 尺寸沒香港的大, 通常最大去到28CM
如大家喜歡炒飯, 炒餸等等, 一個大WOK 就好重要,
28CM 的WOK 炒菜就嫌唔夠大
尤其若想要生鐵WOK 之類
在香港買一個就會比較好

我家的WOK 接近40CM, 放9" 蒸籠就剛剛好
很久之前在一田買的

Tefal C6451942 Titanium Excel Wok Pan, Black Stone Effect, 28 cm
上個月買了這個新WOK, 很好用, 唯一係尺寸28CM, 沒有再大一點
而且底部比較細, 若拿來煎東西就嫌唔夠空間,
所以又想買一個同系列的平底煎PAN

NO 3 米缸
英國好少有米缸, 當然, 若只想用一個膠盒放米, 是沒有問題的
但若想有香港那種米缸一半蓋掀起的, 就可以在香港買一個過來
英國的泰國米, 通常10KG 一包 (中超有更大包的)
一個大一點的米缸比較方便
而且英國天氣比較乾,
不用怕有穀牛

NO 4 調味架
英國人通常用salt & pepper, 各一樽, 然後其他調味料都係各自一樽樽
好少會有香港那種鹽, 糖, 生粉的三格調味架
所以我地都在香港買了一個新的三格調味架過來

NO 5 多層調味架
在香港時, 好難想像為什麼一個廚房要咁多調味料
不過, 當你身在英國,
又不想餐餐西餐,
就要有不同調味料去煮唔同野食
中日韓西式, 左一支, 又一樽
一個有轆的多層調味架, 就可以好方便咁搵東西, 又可以由廚房左邊推去右邊, 方便在不同位置調味
(如果有人有興趣知調味架上有什麼東西, 以及在哪裡買, 可以話我知)

NO 6 蒸架
若喜歡蒸魚, 蒸蛋, 蒸排骨, 當然要有一個蒸架, 再配合一個大WOK
蒸架可以在中超買到
不過尺寸和款式可能沒香港多選擇

P.S. 英國也有一座的電蒸爐, 有沒有需要就看看本身多唔多蒸東西了
因為我們也不算很常蒸野食, 所以用一個蒸架比較節省位置

像這種, 英國的Amazon 也有

NO 7 烘焙用品
烘培用品, 英國當然有得買
普通超巿己有不少選擇,
還未計Online Store 如Amazon

不過呢, 英國的烘焙用品的顏色和款式都比較平實
若大家鐘情日式粉系, 或者是有公仔圖案的,
就要考慮在香港帶來了
尤其若喜歡整靚靚飯盒, 飯團等等

NO 8 中式菜刀
英國買的刀, 都係西式刀比較多
中式那種長方形菜刀比較少
若對菜刀有要求, 可以在香港帶來

(若沒什麼要求的話, 去home sense 都有頗多不同款的刀具, 經濟實用, 而且還有不少日本廚刀, 還是日本制的)

暫時, 只想到8大類東西
若我想再到其他東西, 會再加上去
如果大家想到其他, 都歡迎告訴我

又或者, 你有某些東西在香港用來煮東西, 而唔知英國有無得買, 都歡迎來問我

https://jcinuk.blogspot.com/2020/12/blog-post_79.html

英國找錢記得睇清楚唔好走寶啊
你知唔知其實你手上嘅 50p可能唔只值50p

香港人初嚟到英國未有銀行未有Debit card，用信用卡又好似好唔抵，所以好多人都兌定英鎊。消費主要都係用現金。紙鈔都還好，但拎住硬幣有時都分唔清楚，好彩係超市自助俾錢可以就咁入曬啲碎銀落去等佢找續。但你又有冇留意其實50P有好多款? 而有啲仲價值不菲!

2009 年 Kew Gardens 50P 現市價 £ 400

網絡圖片 original Peter Rabbit coins from 2016
上網是但搵下已經見到有啲罕見50p賣到過千英鎊。

當然你果個唔係同一個Edition 可能冇咁高價錢，但好多喱類特別版都可以賣多過50p。大家收到50p 都可以留意下再上網查下。而同時50p都見證住英國歷史，比如倫敦奧運英國都有出紀念幣。

小編依家最想要係霍金黑洞紀念50p，可惜COVID我依家都用卡唔
用現金喇。

https://www.england01.co.uk/2020/12/17/most-expensive-50p/

英國的聖誕傳統
踏入12月以後，整個英國就被各種聖誕裝飾包圍著。

盡管今年的聖誕有著疫情的陰影，大家都不能出門渡假去，不過，正因為大家都要留在家，反而各屋都多花了心思佈置家居。從上星期日開始，我家附近的鄰居已開始精心佈置屋內外，平日經過時，已看到掛滿了不同的燈鉓，有部份屋外還有聖誕樹，雪人等等，非常精緻。

現在，一起來看看英國的聖誕有什麼傳統活動吧！

購買「Advent Calender」 降臨曆 (又稱聖誕倒數日曆)
每年11月起，各超巿，商店都會放出各式各樣的降臨曆。通常每個降臨曆都有從1至24個小格子，按不同品牌，主題，每個小格子都有不同的小禮物。傳統上，由12月1日起，每天按日子打開一個小格子，取出當中的禮物。當全部都打開了，第二天便是聖誕正日了。

裝飾聖誕樹
雖然巿面上有不少人工聖誕樹，但不少英國人仍鐘情真的聖誕樹。通常11月尾開始，各超巿，園藝店，及不少pop-up Store 都會賣真聖誕樹，也有不少人會特別駕車去農場購買。
傳統上，英國人會在12月開始佈置聖誕樹及屋內外。故不少商店在11月尾開始便會開闢地方放置聖誕節用品。
不少人以為真聖誕樹不環保，事實上，真聖誕樹並不是在森林砍下來的，而是在農場，由農夫們專門種出來的。在種植的過程中，聖誕節會吸入二氧化碳及其他氣體，而放出氧氣。而且，聖誕過後，真聖誕樹會和其他槙物，廚餘一同送去制作成肥料。而且，大部份在英國買的真聖誕樹是在英國種植，購買真聖誕樹同時幫助英國的農夫，振興地區經濟。相反，人工聖誕樹是石油副產品，通常在東南亞制做，還要長途運送到英國，而且，人工聖誕樹的壽命只有約6-9年，最終的下場都是垃圾場。
另外，英國的小朋友及家長都會很認真地對待聖誕老人這回事。在學校，也有教迎接聖誕老人的指定動作，放聖誕襪給聖誕老人放禮物，也要放一杯朱古力及餅乾，若聖誕老人來過，會喝一口朱古力，咬一啖餅乾，家長除了會把禮物用不一樣的聖誕花紙包好外，也會認真地會喝一口朱古力，咬一啖餅乾，等小朋友確信聖誕老人來過。
互送聖誕咭
雖然現今世代互聯網十分普及，但傳統的英國人仍然喜歡手寫的聖誕咭。在英國，各超巿都有不同的節日賀咭。不少商場也有專賣各種賀咭的店舖，不少英國人仍然會花心思選購一張獨特的聖誕咭來表達心思
欣賞聖誕燈鉓
不論是繁華的商業街，還是各大小商場，都會在聖誕時佈置各種燈鉓。不少人會在聖誕假時特地去欣賞。
逛聖誕巿集
臨近聖誕時，不少城巿都會有期間限定的聖誕巿集，售賣各種聖誕裝飾，手工鉓品，飲品，食品等等，熱鬧非凡。
最著名的英國聖誕巿集，首推Birmingham 的Frankfurt Christmas Market

冬季限定溜冰場
最著名的冬季限定溜冰場當然是倫敦自然史博物館前的溜冰場，每年都吸引不少巿民及遊客到訪。

聖誕毛衣 Christmas Jumper
應該是英國獨家的聖誕傳統，在聖誕前，不少學校，公司都會舉辦Christmas Jumper 活動，各人穿上可愛的聖誕節圖案毛衣及捐款到慈善機構。聖誕節前，不少超巿，服裝店都會出特色的聖誕毛衣，大人小孩都會打扮一番，非常有趣。
最常見的Christmas Jumper 圖案, 應該是聖誕老人, 馴鹿, 雪人等等。近年，也新出了不少卡通圖案。

聖誕派對和聖誕禮物
聖誕節也是不少英國人回鄉探親的日子，不少人離家到大城巿工作，在聖誕節長假便會回老家過聖誕節，和親友舉行聖誕派對，交換聖誕禮物。
聖誕拉炮 Cracker
拉炮 Cracker 雖然不是聖誕才有，但卻是聖誕派對的重點活動。大家圍坐在餐桌前，每人交叉手各拉著拉炮的一邊，用力拉扯，直到拉炮被拉開發出聲響。通常拉炮內都會有小禮物，紙皇冠可以戴在頭上。

英女皇的聖誕演講
英女皇每年都會在聖誕節演講，這一項聖誕傳統的來源是1932年的聖誕節，英女王在下午三點演講。從這一年開始，聖誕的時候等待女王殿下的演講也成了很多英國人的固定節目。每年聖誕節的下午三點，女王殿下就會準時出現在電視螢幕里，回顧這一年發生的事或者歷史上的今天。
何時除了聖誕裝飾?

傳統上，聖誕節後的12天內便會把所有聖誕節佈置除下，即1月6日。據說，若1月6日仍未除下所有聖誕佈置，新一年就會行衰運呢！！

留意，若買了真聖誕樹，有不少地區會在1月初回收聖誕樹，請查詢Council 或上Council 的網頁查看最新消息。

以下是過往文章大合集, 若對移民英國有疑問, 可以先看以下文章有沒有想知既資料
移民英國新手懶人包 (居住/學校/醫療/工作/交通/購物)
https://jcinuk.blogspot.com/2020/11/blog-post_18.html

移民英國, 最常見問題 (英國簽證, 移民前後準備, 英國生活大全集)
https://jcinuk.blogspot.com/2020/07/blog-post_4.html

https://jcinuk.blogspot.com/2020/12/blog-post_10.html

Skilled Worker visa 技術人員簽證
移民英國，方法有很多種。

若自己或家人沒有BNO, 又沒有歐盟護照, 又不想去英國讀書, 又超齡申請Working Holiday, 可以點去英國??

Skilled Worker Visa 幫到你!!!

Skilled Worker visa 技術人員簽證
優點:

任何國籍也可以申請
任何年齡也可以申請
適合中高層職位或高技術職位
缺點
必需由英國內政部批准的提供工作機會
有最低年薪要求
未取得永居前，轉工亦必需找另一間公司能提供簽證
Skilled Worker visa 技術人員簽證是什麼?
此技術人員簽證是用來取來本來的T2 工作簽證 (Tier 2 (General) work visa). 英國政府於2月19日發布的《政策聲明》中所述，任何來英國工作的人，包括歐盟公民，都需要證明自己符合簽證要求，並按要求計分。而技術人員簽證並沒有上限。

由於英國已在2020年脫歐，若歐盟人仕及家屬在2020年底前到逹英國，仍可以免費申請歐盟簽證，否則，便要申請新的技術人員簽證。

注：愛爾蘭公民並不需要申請歐盟簽證。

誰可以申請技術人員簽證？
除了通過相關的英國犯罪檢查之外，申請人還必須滿足以下必要條件：

為經英國內政部批准的英國雇主工作
獲得雇主的“擔保證書”，並需要提供有關您在英國所擔任的職務的資料
所擔任的工作必須在英國政府公佈的職業清單上
薪金必需符合最低要求
符合英語要求
技術人員簽證的期限?
技術人員簽證期最長為5年，但取決於最後簽證上的批出日期。只要符合條件，5年內可以延長簽證。若更換了工作，必需更新簽證。

永居和入籍?
技術人員簽證批出的5年後，只要符合要求，便可以申請在英國永居（ILR）。而在永居批出的12個月之後，便可以申請入籍。

技術人員簽證的計分方法?
要逹到申請技術人員簽證的分數為70分，50分是必需要逹到的，而剩下的20分，可以從以下兩個部份中各取一項，合共20分。

必需逹到的要求 (總分50)
取得經內政部批核的顧主提供的工作 20分
工作逹到指定的技術要求 20分
英語能力逹B1 (中級) 10分

選項分數
（只能從下方左右兩個部分各取一項）
必需逹到要求20分
年薪 其他
薪金門檻 相關職位的標準年薪和申請人的薪金差距 分數 分數
年薪逹至少£20,480 80% 0 學歷：與工作相關的博士學位 10
年薪逹至少£23,040 90% 10
教育資格：與工作相關的
STEM科目博士學位
20
年薪逹至少£25,600 100% 20 短缺工種（由MAC指定） 20
年薪逹至少£20,480 在列表上的健康/教育工作並符合
相關的國家薪級表 20 申請人是新入職者（由MAC指定） 20

技術人員簽證申請費用?
申請簽證費-簽證費610英鎊到1,408英鎊不等 (按不同簽證年期/工種而有所不同)
支付醫療保健附加費-每年624英鎊
抵達英國時自給自足-最少1,270英鎊
如果您的工作在短缺職業列表中，您將支付較低的申請費。

家屬簽證要求?
技術人員簽證可以帶家屬一同到英國生活, 家屬包括:

您的丈夫，妻子，民事伴侶或未婚伴侶
您的18歲以下的孩子-包括簽證期間於出英國出生的小孩
若孩子超過18歲，申請簽證時必須己在英國及受你撫養
申請時，您需要提供親屬關係的證明。

如何申請Skilled Worker visa 技術人員簽證?
可以網上交表格, 不論申請人在英國境內, 或英國境外都可以

英國境外, 可以經以下網頁申請

(申請前，請先詳細閱讀所需要的文件及資格)

https://www.gov.uk/skilled-worker-visa/apply-from-outside-the-uk

英國境內， 可以是延長簽證，或由其他簽證轉換成技術人員簽證，但不可以由旅客簽證轉換成技術人員簽證

由其他簽證轉換成技術人員簽證， 請經以下網頁申請

https://www.gov.uk/skilled-worker-visa/switch-to-this-visa

若要延長簽證， 請經以下網頁申請

https://www.gov.uk/skilled-worker-visa/extend-your-visa

若更換了工作，需要更新簽證，請經以下網頁申請

https://www.gov.uk/skilled-worker-visa/update-your-visa-if-you-change-job-or-employer

更詳細資料，可以參考以下政府網頁：

https://www.gov.uk/skilled-worker-visa

https://jcinuk.blogspot.com/2020/12/skilled-worker-visa.html

ISA Account 是什麼?
什麼是ISA Account？
ISA (全名Individual Savings Accounts) 代表個人儲蓄帳戶 (免稅儲蓄戶口)。也許不是每人都知道，在英國，銀行的利息也要付稅的 （有免稅額），所以，若你擁有不少存款，便可以利用ISA 戶口去減少利息稅開支。

ISA和任何其他儲蓄戶口之間的分別在於，ISA 戶口是不用付利息稅 (有每年上限)。

每個納稅年度可以存入ISA的資金有一個上限，稱為“ ISA津貼”。 2020/21納稅年度的ISA津貼為20,000英鎊。即每年最多存入二萬英鎊。

您每年只能擁有一個 Active ISA Account，即你不能在一個納稅年度內開設多個ISA，而且從這些ISA 戶口中的每一個中享受免稅儲蓄津貼。但是，您可以將 ISA 津貼分配給不同的ISA戶口。 因此，您可以開設兩個或三個不同的ISA戶口，並且只要您每年的總存款額不超過ISA的年度津貼，就可以全部使用。

不同的銀行都有開設ISA 戶口的服務，可以向你的銀行進一步查詢。

ISA 戶口有哪幾種?
ISA有4種類型，包括：

cash ISAs (現金儲蓄戶口)
stocks and shares ISAs (股票投資戶口)
innovative finance ISAs (創新金融戶口)
Lifetime ISAs (終生戶口)
您可以在每個納稅年度將錢放入不同ISA戶口中。

什麼是Lifetime ISA?
您可以使用Lifetime ISA（終生儲蓄帳戶）來購買您間屋或退休之用。
您必須年滿18歲但未滿40歲才能開設Lifetime ISA。
您每年最多可以投入4,000英鎊，直到50歲為止。政府將為您的儲蓄增加25％ Bouns，每年最高可達1,000英鎊。(即若你每年存4000鎊, 每年終便會增加5000鎊, 還未計利息或其他投資相關利潤)
終生ISA限額每年4,000英鎊，並計入您的年度ISA限額。 2020年至2021年的納稅年度為20,000英鎊。
您可以在Lifetime ISA中持有現金或股票，或將兩者結合使用。
當您年滿50歲時，您將無法再投入更多資金入 Lifetime ISA或賺取25％的政府額外獎勵。 您的帳戶將保留，而您的儲蓄仍將獲得利息或投資回報。
更多關於Lifetime ISA 資料, 可以參考政府網頁 : https://www.gov.uk/lifetime-isa

誰可以開ISA戶口?
Cash ISA: 16歲以上
Stock & Share / innovative finance ISA: 18歲或以上
Lifetime ISA: 18歲 至 40歲 之間
此外, 還必需是英國居民，居住在英國

Junior ISA
18歲以下可以開設Junior ISA (Junior Individual Savings Accounts)戶口，只要：

年齡在18歲以下
居住在英國

Junior ISA有2種類型：

Cash ISA (免利息稅)
Stock / share ISA (無需付任何資本增值或股利稅)
您的孩子可以擁有一種或兩種類型的Junior ISA。

父母或監護人可以開設Junior ISA並管理帳戶，但這些錢屬於孩子。

孩子16歲時可以控制帳戶，但要等到18歲時才能取款。

https://jcinuk.blogspot.com/2020/12/isa-account.html

英國廚房必備小電器
在英國生活，和香港最大的分別，應該是沒那麼容易吃到各國食物。

（住在倫敦會比較好，但其他城巿，小鎮的話，餐廳十之八九都是西餐，中餐或亞洲餐廳不是沒有，不過，餐廳為迎合本土口味, 通常都係改良過, 無咁正宗)

所以, 住耐左, 大家都習慣想食什麼就自己煮, 大家都練成大廚功力

想要煮自己想食既東西, 首先, 要有好的器材!!!

所以, 今篇講下我家的廚房有什麼廚具, 以及, 未來希望加添的廚具, 以及大家應該先在香港買過來, 還是可以在英國買

首先, 英國的廚房都會有煮食爐及焗爐, 雪櫃

若間屋比較新一點, 或3房以上, 通常會有洗碗碟機

係英國, 經常有機會請朋友來食飯

有洗碗碟機當然好過無

1. 飯煲

我諗大家在香港住慣左, 就算唔係日日食飯, 一星期都總會食下飯

英國都有飯煲買

不過款式當然無咁多

而且亦無什麼IH 呀, 飯斧之類

若大家對飯煲, 飯有要求, 最好在香港買來

如果你只需要一個飯煲由生米煮成熟飯就OK

咁係英國買都可以

實用性：

方便性：

香港買：

2. 壓力煲

想在英國煲下湯水, 當然要買返個煲湯煲

用煮食爐唔係唔得, 不過當你煮緊其他餸, 就唔想煲湯阻住其中一個爐頭

壓力煲可以放在其他地方, 不阻煮食

煲半小時便有老火湯效果 (想味道濃D, 用壓力煲煲完, 再用明火煲多半小時更好)

仲可以炆下牛腩, 煲下粥之類, 都幾實用

英國都有 Instant Pot, 我自己就係香港買左個德國寶過來英國, 貪佢除左可以煲湯, 仲可以煲飯, 煲粥等等

想係香港帶來, 還是在英國買, 就可以自己比較下唔同功能

壓力煲建議買大一點尺寸, 通常我會放全隻雞, 連同其他材料, 水, 等等, 所以買大一點就可以煲多D 湯, 足夠2日飲

實用性：

方便性：

香港買：

3. 氣炸鍋

英國的超巿有非常多ready meal, 或急凍食物,

拿去氣炸非常方便, 而且味道很好

我家最常氣炸的東西, 包括有: 雞翼, 全雞, 薯條, 叉燒, 炸蝦天婦羅, 芝士條等等

好實用

英國有不同牌子的氣炸鍋, 包括 Philips 在內, 或其他英國牌子

若本身香港沒有, 便可以直接在英國買

P.S. 氣炸雞翼, 全雞後, 氣炸鍋會留有很多雞油, 用洗碗碟機洗最方便

買氣炸鍋, 個人建議有大買大, 以可以放一隻全雞為標準, 否則一係放唔晒, 一係分幾轉, 買大D 就可以一次炸多D

實用性：

方便性：

香港買：

4. 抽真空機

英國不少超巿都有一大盆肉買

如Costco, 中超等等

一家人一次必定吃不完

最好的方法, 是把肉分好一餐一包, 抽真空放入冰櫃,

到需要時放入雪櫃保鮮格解凍

我家的冰櫃, 常備以下己醃好/ 分裝好的食品:

肥牛片 (買一大舊靚牛肉回來, 用切肉機切成薄片), 分開分裝放入冰櫃

己醃好的雞翼, 一次買一大盒, 甚至係2盒回來, 醃好不同味道, 分開包裝放入冰櫃

己醃好的羊架

手切牛肉片 (用來炒的)

己醃好的豬扒 (解凍後, 可以用來做洋蔥豬扒, 蕃茄豬扒, 焗豬扒飯等等)

三文魚 (Costco 有一大盆連皮三文魚, 回家後分開一餐一舊, 要用時解凍煎來食)

牛扒

抽真空機英國買便可以了, 專用的袋子也可以在英國買

實用性：

方便性：

香港買：

5. 大冰櫃

如上, 若你醃好一堆肉, 當然要一個大冰櫃才能好好保存

平常雪櫃的冰格是完全不夠用的,

因為除了以上已醃好的肉類,

冰櫃還需要存放:

各式雪糕雪條甜筒 (英國買雪糕真係特別平)

碎芝士 (煮意粉, PIZZA , 焗薯, 焗飯, 焗意粉等等)

急凍點心 (扮上酒樓飲茶, 急凍點心都是一盒盒, 非常佔空間)

乾貨, 如冬菇, 榣柱, 蝦米等等

急凍餃子

各式炸物, 如薯條, 尤魚圈, 薯角, 芝士條

所以一個大冰櫃是非常重要的

冰櫃大致上有三種款式

第一種, 是直立式, 和普通三門雪櫃一樣大, 內裡間格是一個個抽屜, 可以方便放東西

第二種, 是直立式, 但高度只去到半身, 大約和洗衣機差不多大, 間格大多是一個個抽屜, 方便放東西, 但比第一種細

第三種, 是横向, 上掀式, 就像超巿那種, 容量大, 但放在底的東西比較難找

買哪一種, 就看看大家屋內空間如何。

可以的話， 放車房就最節省空間，如廚房可以直通車房便最方便

冰櫃， 在英國買便可， 完全不要打算從香港運來

實用性：

方便性：

香港買：

6. 慢煮捧

可以用來煮叉燒, 羊架, 斧頭扒, 牛舌等等

不算是經常會用到, 但如夫婦二人都要工作, 可以出門前預先整定, 都好方便

而且慢煮捧細細支, 不太佔空間

在英國買就OK了

實用性：

方便性：

香港買：

7. Bruno

可以韓燒, 打邊爐, 煎pancake, 整八爪魚丸等等

若香港本身有, 不妨帶過來

若沒有, 英國也有其他代用廚具

實用性：

方便性：

香港買：

8. 飛碟機/waffle 機

整下飛碟, waffle, 實用性不大, 只係偶然想食

本身香港有, 所以帶過來

其實英國也有買

所以如果本身無, 到英國想要時才買吧

實用性：

方便性：

香港買：

9. 電磁爐

打邊爐用, 鐘意打邊爐就必備

英國都有得買

實用性：

方便性：

香港買：

10. 熱水壺

英國唔興長期保持熱水的熱水壺

多數都係即熱式

一來英國既水有limescale, 長期煲住, 個煲會好易壞, 二來, 聽說是環保原因, 還是安全, 不要長期插電??

反正大部份家庭都只係煲水來煮咖啡, 茶之類, 英國人又不會喝暖水

實用性：

方便性：

香港買：

11. 切肉機

可以把買回來的一大舊肉切薄片, 最適合整打邊爐肥牛

英國中超的肥牛, 一小盒都幾鎊

自己買一舊肉, 切好分裝, 價錢平D, 肉質靚D

喜歡打邊爐既朋友必備

英國有的東西, 不用香港買來, 除非在香港己有

實用性：

方便性：

香港買：

以下, 是打算買, 而還未買的廚房用品

微波爐

本來搬家時訂了一部, 但店家沒貨, 隨便給我一個牌子, 退貨後便一直沒有認真地再買一部

不過, 我地又不是很常用, 大半年都沒有也一樣過活....

廚師機

想試下整麵包, 肉丸之類

不過唔知買左有幾常用

一直拖著

Food Processer

可以切蓉, 切片, 切絲

現在有一個blender, 不過好似唔太夠力

但和廚師機一樣, 不知買左係咪成日用....

暫時想到以上, 有更多心水廚具再更新吧

https://jcinuk.blogspot.com/2020/12/

英國countryside 與鐵路的浪漫

尋日我們北上有任務在身去睇樓。說實話，都好耐無坐過較長途既火車，以前住愛丁堡時常常都會坐火車落倫敦見家人，一程要4個多小時，但習慣了還好。
火車徐徐離開Euston車站，大概15分鐘左右已經見到countryside 既景象。不得不說，英國既countryside 很美。冬天時既草地還是綠油油的，也有一點泛黃，樹葉都落下了，光禿禿的，遠望是一遍啡色的景象，但沒有一點滄桑之感，因為總會見到幾户人家，一些牛羊。
想要感受英國之大，還真的要坐火車。住在倫敦久了，會容易忘記英國喺一個點既國家。雖然住喺大城市既人不少，但住喺城市週邊同郊外的人也很多，他們的生活同大城市既人可能很不同。以前住愛丁堡時，老公有同事喺蘇格蘭一啲郷鎮長大。之後讀完書先去愛丁堡找工作。Village life 據佢所講都幾boring, 得一間post office, 一兩間學校，大家都識對方，但好處係長大既環境，完全係被自然包圍，每個小山都同從小一起長大既朋友行過。夜生活幾乎沒有，village pub就係唯一social 既場所。
自少喺香港長大既我很難想像呢種生活，移民倫敦也是非常容易適應，都係大城市搬去大城市，當然language 同文化不一樣，但基本上都係城市生活。香港人如果要移民既英國地方非大城市，or not even 小城市，要考慮更多，因為要橫跨中西、城鄉文化。
講返鐵路，英國鐵路服務一般，但係算連接整個國家很重要既基建，travel by rail 沿途經過一啲站名連讀都未必識，但會有一種sense of belonging, 突然呢啲名不再只係電視機前面的一個名字，我也不再去想到底呢個地方投brexit 定remain, 見到呢個地方既人同佢地既生活會覺得we live in the same country , 呢句話真係有咗意義。
如果大家喜歡BBC的period drama, 一定要睇North & South, 有關愛情、有關南北文化、有關階級主義，睇完有一點明白倫敦點解咁snobbery (串 or 睇低他人， 非常不好的一個形容詞）重點係，男主真係好靚仔！同Pride & Prejudice 的Mr Darcy 有得比 而火車都係呢套劇貫穿南北的重要脈絡，坐火車真係比坐飛機浪漫架

https://www.facebook.com/bnopathway/posts/693444081317663

又一雞兩味喇～
鍾意睇片可以去：
https://youtu.be/B6inl4DHpIM


關於住屋嚟到得兩條路一係買一係租，至於買我就真係無經驗喇。而租屋都分兩種一係搵中介一係同landlord直接deal，而我就係直接同業主deal嘅～
話說出發前bookmark 咗唔少租屋須知，有咩要注意有咩要landlord出示... 做好晒功課。岩岩幫網友check嘢找留業主比我哋果本天書出嚟睇，入面有一份可以走天涯嘅文件不如同大家開心share啦～(可能有好多人都知)
https://www.gov.uk/government/publications/how-to-rent
呢條link入面有checklist不論你係向agent定同業主租話晒比你知有咩要注意..等等，由租前、睇屋、點check paper work、住落有咩要注意都有齊晒～
鍾意條片嘅就比個Like我，等我更有動力繼續拍吓剪吓片啦~ 

MEWE : Gaa1 Syu1
Instagram : Gaa1 Syu1
#aletterfrom44to852

#nottingham

#hongkonger

#5DN1L

#低成本走難

#貼地核夫婦

https://www.facebook.com/Gaa1syu1/posts/140289381189879

英國人 對話禮儀

香港人細細個就學寫英文信， 大家都知寫完信下款寫 your sincerely 先叫有禮貌同尊敬。但喱個年頭個個都Whatsapp/ fb Message 或者SMS 你又知唔知點先叫做有禮貌。

同英國人溝通，本來已經要深層翻譯先可以理解英國人嘅語言藝術。比如當英國人話 I almost agree其實佢地係講緊I don’t agree at all 已經玩死好多香港人。 每次都要深層再翻譯先明白 。同時間我地唔識得包裝我地嘅說話同文字，同英國人溝通難免另對方難受或覺得我地冇禮貌。

圖片來源: 網絡
想唔得罪英國人，又想表現友好日常文字對話大家可以係文字最後加xxx。通常用於日常朋友間唔太熟但表示友好情況下使用。 當然如果對方你好陌生只係你房東咁嘅關係當然就唔好啦 。但加左又唔代表係調請，只係比較輕鬆友好對話咁解。

xxx 代表係Kiss，唔係真係錫，只係表現緊友善。有時係1個x有時係幾個x。 以下係小編同上司日常對話，上司每句都xxx 結尾。 (而我完全無視LOL)

圖片來源 : 小編與上司日常Whatsapp對話
而除左xx之外係友善嘅表達仲有 a lot of love，with love，而英國人說話想更習慣稱呼對方為「My Love」、「Darling」、「Honey」、「Sweet Heart」，如果可以習慣一下自己說話時都調節一下咁就會感覺比較有善。

我經理成日用Hun嚟叫我，意思係Honey 。 唔好大驚小怪係餐廳俾待應叫honey以為人地同你調情，其實只係日常習慣吧了。

另外唔好忘記好重要嘅 Magic Word「PLEASE」 記得!一定要講，如果唔係你超給無敵嘅冇禮貌。

https://www.england01.co.uk/2020/12/10/how-to-txt-british-politely/

英國勞工權益,你要知道法定假期有幾多日?

英國勞工權益,你要知道法定假期有幾多日?

每到年尾香港乜假期就會同你講請假指南，會教你點樣用年假先最聰明 ，用最少年假放最長假期去旅行。咁去到英國假期又係點?

法律上，每星期返五日工嘅員工每年要有最少28日有薪年假。 而兼職亦有同樣假期，只係會按比例減少。計算方法係每星期工作天數剩5.6。

比如全職一星期返五日工即:
5 X 5.6 = 28日

或如果你係兼職一星期三日工作就即係:
3 X 5.6 = 16.8 日

而英國公眾假期共有8日，分別係

圖片來源:GOV.UK
其實計返香港年公眾假期多，但年假少， 英國調返轉。 到底邊樣好呢 ? 總知認清楚自己權益唔好人呃最重要 。

參考資料: https://www.gov.uk/bank-holidays

https://www.england01.co.uk/2020/12/07/uk-bank-holiday/