2020/11/24
Black Friday & Cyber Monday
Black Friday, 又名黑色星期五，黑色購物節，是11月最後一個星期五。

Black Friday 的起源，最普遍的說法，是由於這一天是美國的感恩節後一天。感恩節是在每年11月最後一個星期四，這個節日在美國是一個大節，傳統上，美國人在渡過了感恩節後，便開始預備聖誕節。各商家會在感恩節後的星期五開始瘋狂減價，不少商店會提早開店迎接購物的人，而人民亦會一早排隊購買特價貨品。

傳統上商家會用不同顏色的墨水來記帳：紅色表示虧損即赤字；反之黑色則為有盈利。而商家把這個星期五叫做黑色星期五，用以期待這一天過後，年度營收由負轉正，由紅字轉為黑字。

黑色星期五這一天一般都會是一個大的採購狂潮，銷售額是一年中第二或第三高的一天，而通常一年中銷售額最高潮是聖誕節前夕或之前的一個星期六。

在黑色星期五這天，絕大多數商店都會清晨五、六點鐘就開門，有的甚至更早。更有的商家在周四傍晚六點開門。商家更會採取提前在感恩節幾天前的報紙上刊登廣告，發放優惠券，對商品大幅降價等措施來吸引顧客。很多消費者把這一天看作準備聖誕禮物或買到便宜貨的黃金時刻，由於降價商品數量有限，很多熱門商店門前在前一天晚上就會排起長隊。

Cyber Monday, 則是Black Friday 之後的星期一，由於網上購物盛行，單單一天的Black Friday 不能滿足各顧客的需要。各網上商店都會把各種購物優惠延伸至整個周未，故此，不少商店的購物節便從星期五延續至星期一，吸引更多客人網上購物。Cyber Monday 又稱為一年之中線上購物快速銷售的日子。

時至今天，Black Friday 的購物興祝活動已傳遍各地。在英國，各實體店鋪，網上商店都會在 Black Friday 前開始推出不同的特價優惠，吸引顧客購物。不少人早於11月初便開始留意各商家的優惠活動，期望把一年的購物清單在Black Friday 用最優勢價錢買回家，再加上聖誕節是英國傳統大節日，不少人會購買各種聖誕裝飾和聖誕禮物來興祝，令英國的Black Friday 更熱鬧。

以下，列出著名的英國購物網站，給大家參考一下。若大家是初移民到英國，不妨趁這個機會，為新家添置家居用品。

https://www.amazon.co.uk/

Amazon: 全球最大網上商店，在英國，Amazon 幾乎什麼都有，非常方便

https://www.argos.co.uk/

Argos: 主打各種家居用品, 玩具, 電器等等

https://www.johnlewis.com/

John Lweis: 英國著名百貨公司, 買電器的話, 可以加購延長保養

https://www.currys.co.uk/gbuk/index.html

Currys: 主打電腦, 電話 及各種電器

https://www.smythstoys.com/uk/en-gb/

Smyths Toys: 英國連鎖玩具店, 買玩具給小朋友最適合

https://www.diy.com/

B&Q: 主打DIY, 家居裝修, 園藝用品

https://www.therange.co.uk/

The Range: 家居用品

https://jcinuk.blogspot.com/2020/11/black-friday-cyber-monday.html

《一分錢一分貨》
Aldi 同Lidl 冇送貨，開親係雜d 的區。checkout好似趕住去咩咁，其他顧客都有少少形跡可疑。
講真去過一兩次，quality真係麻麻。
同埋講真，貨品多數有特價先買，都唔爭太多。
以焗豆為例，heniz較為中價，但好多時multiple pack有特價。 超市自家牌係平，三分二係汁，唔次heniz packed 到滿哂。一味追最平，可能得不償失。
網上超市Morrison Asda Tesco Sainsbury's Waitrose Ocado 都用過。Quality 來講Morrison Waitrose Ocado都好好，但整體服務（driver ,service,refund）Ocado, Morrison就最好。而家Ocado 又比馬莎買起左一半，可以直送m&s food . Asda 送貨都唔錯，價錢又平，若然唔買肉都okay。上次個生果爛左，Tesco 要打上去refund, 費事煩就豪比佢。Morrison,Asda, Ocado禁個制就refund得。
簡單來講，每間超市都有唔同野賣，服務質素各有千秋，得閒轉下睇下，領教過就知鐘意邊間。

https://www.facebook.com/simplesimplelifeinuk/posts/622761675076142

英國租樓完約時有乜 High (結果) ?

上回講到係退租嘅時候大家對間屋嘅乾淨整潔有拗撬，所以係TDS 開咗一個 “糾紛案件”。
球證、旁證、足協、足總、足委，全部都你嘅人? 好在英國未發展到咁全面。
係九月頭業主透過地產代理上載左佢哋嘅 Check Out Report，我哋亦喺同一個系統上面上載晒之前影低好清楚嘅相上去。
雖然有文字上嘅解說，不過根據佢哋嘅結果報告黎睇就好似冇乜幫助啦。
TSD 個報告結果都話，業主個方面不需要提供已經搵人維修左嘅紀錄俾佢，佢只會透過雙方比出嚟嘅證據去比較。
你話我嘥時間又好，但係如果係第一步，即係退租之前收到地產代理電郵叫我搵佢嘅相熟清潔公司清潔嘅話，我相信除咗搵清潔公司清潔嘅錢之外，退租之後另外一定要再有其他嘢嘅問題要再俾。睇相有報價價錢。
記住，你哋日後都有機會出現同樣嘅問題，地產代理或者業主淨係可以將"糾紛案件”裏面傾唔掂數嘅價錢扣起，之後應該將嗰舊錢送去俾 TDS 做最後決定，按金扣起左呢個糾紛金額之後嘅其他餘額要俾返你，佢哋會扮晒蟹唔俾，你記得電郵問佢哋再cc 比TDS。
英國投訴啲乜都係講證據
同租車一樣，你冇實質證據顯示起到嗰陣時冇問題，而家我見到的話就係你嘅問題。
睇返之前噏乜
英國租樓完約時有乜 High? (2020-09-04)
https://www.facebook.com/Prefercountryside/posts/1240339992989075

#英國租樓
#BNO
#prefercountryside
#ukhongkongers

https://www.facebook.com/Prefercountryside/posts/1284871875202553

大型全球連鎖店Costco 係全英國各個地區都有分店。屬於大型超市百貨公司。 好多季節性貨品、 家庭用品、食品以優惠價出售，而且品質好。今次我想介紹Costco Cheap食之選。

香港人到英國第一件事係識慳錢，因為你唔一定即刻搵到工，食得平用得平其實好重要。 今次要推介Costco 平食。係超給簡便快餐關係選擇好簡單，而最搶眼莫過於熱狗!!£1.5 仲要連汽水任飲。另外我Gelato £2有三球我都覺得好抵食。

攝於Costco
Costco係會員限定，想平食記得先要入會啊。 Costco會員費第一次俾可能覺得有啲貴，但佢入油平、 貨品質素好，一年計其實都慳唔少。我下次再詳細介紹Costco啦 。

source
https://www.england01.co.uk/2020/09/21/costco-hotdog-cheap-dinner/

【移居英國】留英港人親身分享 15件移居英國必知的事！

【移居英國】最近英國政府計劃向BNO港人提供居留許可，大家聽完有冇心動，但又擔心無法適應當地生活，尤其是能否在英國從事香港原來的工作？會否失業？編輯和大家一樣有十萬個黑人問號。因此，請來了「英適生活」創辦人Lukas，當初他申請了working holiday visa留英，後來獲得當地顧主擔保獲批working visa。現已移居英國3年，不時會在網站分享留英資訊，今次他就分享了15件移居英國必知的事，大家在作決定前不妨參考一下。
撰文：Yuen｜資料來源：[email protected]英適生活

移居英國15件必知的事

1. 如要移居英國，建議帶多少錢才可維持在英國生活？

最主要視乎個人需要，如果有較充足的資金，建議帶足一年的生活費。不過受訪者認為8-9個月已足夠，以他個人為例，當時他只帶了港幣4至5萬現金，銀行再存放了港幣2至3萬，總共港幣8至10萬。最主要是用於租屋，因為剛到埗不能提供任何收入或工作證明，因此，當地業主有可能會要求繳付更多的按金，甚至要多付一個月以上的租金。

移居英國, 移民, 英國, BNO,
記得預留一筆資金存放入銀行！（圖片來源：Bloomberg）
2. 在英國找工作困難嗎？一般最快幾耐會找到工作？

廣告
許多人最擔心在英國找工作會很困難，事實上要視乎找甚麼工種！如果找一些較專業的工種，相對上找工作會很容易。甚或乎願意做任何工作，如侍應、倉務員、活動策劃員等等。因為英國散工種類很多，職業要求不高，英文不用很流利，坊間亦有不同的兼職apps，所以最快幾天內也可找到工作。以下是兩個主要找散工的apps：

移居英國, 移民, 英國, BNO,
Rota-較多侍應和廚房工作。App會根據所在地區和時間尋找附近的散工。
移居英國, 移民, 英國, BNO,
Job Today工作種類較廣！除了餐飲類也有很多倉庫、售貨員或興趣班導師等工作。
廣告
3. 如果想做回在香港的本業，會否很困難？找工作從何入手？

同樣要視乎香港原來從事的工作，如果在香港從事文職，相對性要找相同工種的時間會較耐。以另一個受訪者Leo為例，原本他在香港從事銀行業，剛抵埗很快便找到多份散工，大約3個月時間，已經獲得當地銀行錄用。因此，只在乎於本人對做回本業的決心，如本身擁有專業技能，更不用擔心找不到工作的問題。

移居英國, 移民, 英國, BNO,
最主要是看個人技能，非常現實。（圖片來源：Fotolia）
其實和香港找工作一樣，主要去linkedin、Reed、Indeed等求職網，按個人專業技能找相關工作。不過受訪者有提到，很多工作空缺都是由獵頭公司中介人找人，所以未必會透露僱主名稱或直接發放在求職網，因此，可以執靚個人履歷並設定為公開，讓他們直接找上門。

閱讀全文
https://www.gotrip.hk/566272/旅遊/旅遊熱話/itineraryguide/移居英國-bno-移民/5/

《今晚煮乜餸》
平時煮咩食
因為老公本地人，有朋友以為我餐餐都食意粉或者日日食薯仔。
大概係一半一半或者三分一食西餐，今日頹頹地煮咗菜遠火腩飯，老公都好捧場。
已經好耐冇去過中國超市因為要揸車出去。如果要買，都係上網搞掂。
今日全部都係網上超級市場買Ocado /Morrison
菜心 Morrison £1x2
豬腩肉 m&s£3.5
李錦記芝麻油 ocado £2.8
蒜頭 ocado 20p
李錦記同淘大 Asda Tesco Morrison Ocado 都有， 有時平過中國超市。
當然，呢面有外賣，但係貴過自己煮，同埋可能人大左，唔係好頂到味精，飲左成肚水重好口乾。
#英國生活 #英國媽媽 #英國師奶

️其實我地有落地服務，英語練習，聯絡地產經紀等等，有興趣可以傾傾️

想support下
https://ko-fi.com/fromhktouk

https://www.facebook.com/simplesimplelifeinuk/posts/640630693289240

【倫敦美食推薦：台式包子店BAO】
BAO在倫敦已有三間分店，是較爲有名氣及格調的台灣小食，不要以爲這裏只是平平無奇的 “包子店” 其實到了晚上很容易大排長龍。
接下來就讓小編推薦一下這間包子店的人氣小食，大家可以試試看！
烟熏茄子（Cold Smoked Aubergine）
茄子中式調味融合日式麵包屑炸出來的饅頭片，混合出意想不到的味道。
燒牛肉飯（40 Day Aged Beef Rump）
賣相和味道集於一身的一道主食。五分熟的嫩牛肉加上生食的無菌蛋，攪拌器來就成爲了一道讓人欲罷不能的滿足感。
營養蝦鬆（Prawn Shia Song BAO）
蝦鬆口感奇妙，比蝦滑軟嫩，調味也保留了蝦的鮮美，又不會太過平淡。從外形到口感都很融合的一道菜式，有點像Japandog。
鹹酥鷄（Taiwanese Fried Chicken）& 豬血糕 （Pig Blood Cake）
台式食店怎麽可能沒有鹹酥鷄和豬血糕呢？吃不飽的話也是可以點一份帶走，邊看劇邊吃也是個不錯的選擇。
對了！BAO除了食物有水準之外，設計也是非常搞怪的，粉絲也會買他們的明信片、T恤、飲料等帶回家，超級可愛！
網址：https://baolondon.com/

https://www.facebook.com/UK360news/posts/975719722903995

不如今日同大家share一下我哋用HKsar passport apply LOTR入境時準備咗啲咩交件比大家參考吓

1. 出世紙（無出示）- 純粹打算跟住自己身
2. 結婚証書（無出示）- 正本、影印本
3. Bank statement （有出示）- Hardcopy (3 months) , screen cap 因為銀碼有變但又未出Monthly statement 所以最後出示咗Screen cap 最update 比officer 睇
4. HKID card （無出示）- Hardcopy
5. Stay proof （有出示）- Hardcopy 電郵截圖
6. Job offer proof （無出示）- 淨係口講咗比officer 知，佢無叫出示任何證明
7. Health declaration form （有出示）- Hardcopy，即健康申報表，入境前48小時要填
https://www.gov.uk/provide-journey-contact-details-before...
8. BNO process proof （有出示，officer拎咗去影印）- Hardcopy，由於我哋係用HKsar passport 入境，所以要show 比Officer 睇我哋係有apply 緊BNO，只係未到手
9. 保險（無出示）- Hardcopy，半年旅遊保



   而機票我哋係買來回機票嘅，至於上機我哋預備咗個飛機包，放晒所有消毒用品等等，始終上機唔想拎太多野出嚟嘛。而裝備口罩當然唔少得，然後每人帶咗副平光鏡，去廁所帶即棄手套（好唔環保但無辦法啦/0) 喺IG upload 咗段由屋企到英國成個過程嘅片，大家有興趣可以去望下喔;)
   頭盔一定要帶，都係果句我唔係expert 以上純粹係個人分享，個個機場個個officer 可能做法都唔同，建議大家準備好所有文件喔 到時候就唔洗咁驚青啦～
   想睇更多相同片please follow my IG : gaa1syu1

source
https://www.facebook.com/Gaa1syu1/posts/108222811063203

近日，英國宣布將擴大BNO護照的權利，變相提供途徑予持有人申請移民英國。在英國的生活開支是怎樣的？在英國居住的港人、Facebook專頁「港媽 • 講英」早前撰文分享，一家四口居於英國中部（伯明翰附近）所需的生活費，買餸、入油、保險等開支合共需要大約港幣10,000左右：
撰文：港媽 • 講英｜圖片：港媽 • 講英、unsplash

好多人會問我喺英國嘅生活指數係幾多，每個月大概要幾多錢使費。買餸錢、入油費、Council Tax、水電煤氣費，加埋每年嘅汽車年檢、樓宇保險、汽車保險，我哋一家四口，大概每月港幣10,000左右。

咁以上嘅支出，大部份都比較容易掌握同理解，唯獨係買餸錢。

移民英國｜一家四口每月生活費只需約港幣1萬元？一星期買餸開支、餐單分享｜港媽 • 講英在英國的生活開支是怎樣的？（圖片：unsplash）
我哋一家四口，兩大兩細（2歲同4歲），每星期嘅買餸錢大概150至200英磅左右，即係港紙大概1,500元至2,000元。咁之但係到底150至200英磅係食咩㗎呢？餐餐食薯仔食麵包可以唔使50磅一個星期添，但係呢啲似叫生存多過似生活。

以下想分享一下我哋一家嘅兩日餐單。一日係「家常便飯日」，即係話普普通通，唔太貴唔太複雜，煮咗唔會有人complain嘅餐。另外一日係「輕lux日」，即係港媽心情靚、有時間、有心機，買嘢買得鬆手啲，煮完出嚟會有人問：「嘩，今日咩事咁高興？」

當然每日餸錢唔會係150英磅/7。今日可能多啲，聽日可能平啲，拉上補下，儘量維持每星期150-200英磅。你咪當5日家常便飯，星期五同六兩日要chill吓，就輕lux吓囉。

以下價錢係除開咗每人份量嘅價錢。調味料唔知點除，我就當每人用0.25至0.50英磅。飯我哋一家大概食一嘜半，當每餐要30英磅，其實都可能計多咗。（酒樓食飯叫碗白飯，原來食水咁深⋯⋯）

我分別會係3類超市買餸：中價超市Sainsbury’s ／tesco，貴超市M&S同bulk buy Costco。所以以下有啲數怪怪地，係因為bulk buy再除開條數。

家常便飯日 共需22.18英磅

早餐：3.96英磅

大人：無糖豆漿浸過夜燕麥（含蜂蜜及奇亞籽），加上新鮮的藍莓、香蕉片和南瓜籽，配上Nespresso咖啡

豆漿 (一杯）- £0.20
燕麥 （一杯）- £0.20
蜂蜜 / 奇亞籽／南瓜籽 （量太少，所以全部加埋）- £0.30
藍莓 – £0.30
香蕉（半條）- £0.12
咖啡capsule（一粒）- £0.33
£1.45 x 2個大人= £2.90

小朋友：早餐麥片加牛奶，配上香蕉及烚蛋

麥片 – £0.20
牛奶 （一杯）- £0.10
香蕉（半條）- £0.12
雞蛋（一隻）- £0.11
£0.53 x 2個小朋友 = £1.06

午餐：9.42英磅

大人加小朋友：自家製番茄免治牛通粉

新鮮蕃茄（1/4包）- £0.19
免治牛肉（1/8盒）- £0.25
長通粉 – £0.20
洋蔥／蒜頭／調味料 – £0.50
蘑菇（一盒）- £1.00
咖啡capsule（一粒）- £0.33
牛奶 （一杯）- £0.10
£2.47 x 2個大人 = £4.94
£2.24 x 2個小朋友 = £4.48

晚餐：8.80英磅

大人加小朋友：暗然銷魂飯加支大啤

梅頭肉 – £0.65
叉燒醬／柱侯醬／生抽／蜜糖 / 調味料 – £0.50
青菜 – £0.25
白飯 – £0.30
啤酒 – £1.00
£1.70 x 2個小朋友= £3.40
£2.70 x 2個大人= £5.40

https://www.edigest.hk/article/167591/移民/移民英國-一家四口-每月-生活費-買餸-開支-餐單-港媽/6/

【英國本土版：麥記／KFC／哈根達c】⁣
⁣
如果我同你講，黎到英國之後，有時落樓下食唔到麥記扭扭粉我會灰J，你會唔會覺得我好唔爭氣？⁣
⁣
但係去到英國超市，長期買到特價£2.5 有家庭版haagen dazs，個心理又平衡返好多。⁣
⁣
#如有錯漏煩請高人指點
⁣
麥當當⁣
作為快餐首選之一嘅M記係英國餐牌選擇其實唔多，亦無香港金拱門咁多其間限定。⁣⁣不過基本野大致相同。⁣⁣⁣
⁣
首先英國M記無脆香雞翼食，唔知係咪KFC做得太好，英國M記選擇直頭放棄唔做。但有炸雞胸(chicken selects)？我都唔係好識譯。⁣
⁣
早餐方面，英國無好香港人口味嘅扭扭粉早餐。⁣
甜品方面⁣⁣，英國人咁鍾意食雪糕竟然係無Sundae。⁣
⁣
當然M記招牌菜Big Mac，Chicken nuggets，Apple pie，Cheese burger，麥旋風，魚柳bell chan依然通通都有。⁣⁣⁣
⁣
但唔會定時推出香港人口味嘅產品，例如最新推出嘅黑糖珍珠奶茶同我好鍾意嘅shake shake薯條。⁣⁣相反英國M記會出好英國人口味嘅milkshake。⁣⁣⁣
⁣
大部分餐價介於£4.49至£5.99之間，聽落好似好貴，但以英國最底時薪工資為£8.72(age over 25)去計，買到一個餐有凸。⁣⁣係香港唔食超值套餐的話，有機會要貼錢先食到個餐。⁣⁣⁣
⁣
味道方面，有人話日本麥當奴最好食，但係英國我個人覺得無咩大分別。⁣⁣所以只要大家唔好有任何寄望，就唔會有失望。⁣⁣⁣
⁣
KFC 特別在係呢邊好興vegan，出左好多有蔬菜既選擇，而且有halal雞。⁣
⁣
Haagen dazs 簡直係英國生活既重點（只代表本台立場），香港一桶要80幾蚊，呢邊長期減價£2.5 有一桶。⁣
⁣
有冇人知呢邊pizza hut有冇蒜香肉絲意粉？⁣

https://www.facebook.com/lionrockhill.uk/posts/176858040725489

英國閒談篇-Conker
一直有人問我，嚟到英國最唔慣嘅係咩？！
我記得我通常都話。天氣啩⋯⋯其實真係諗冇可諗先講天氣！ 哈哈哈
但今日我終於知道我最唔慣嘅係咩！
就係要同一堆蜘蛛同一屋簷下
然後英國由8月開始到10月係蜘蛛製造下一代嘅時候，所以見到佢地比平時多好多！
但英國有個流傳，話conker 會趕走蜘蛛！ 原因係conker 會release 一啲有毒物質， 而蜘蛛️唔喜歡呢啲物質，所以真唔真唔知呀！ 因冇科學研究證明！
但我覺得有用的， 因為平時屋企出面嗰窗總會有啲細隻蜘蛛吊住係度， 一行近就會走！
咁我琴日就放咗一粒conker 係窗口，之後我更加係屋入面拍窗！ 比著平時一拍即散！ 但放咗粒conker 後， 佢地係郁都唔郁！
今朝再出去外面望， 啲蜘蛛️走晒！！
所以大家不妨試下！ 可以放係屋入面， 房的角落（蜘蛛常出沒的地方）
呢啲conker 係好多公園都有得執！ 而我執咗一堆之後， 同小朋友玩！ 放幾粒大嘅係地， 然後再用啲細粒去瞄準佢地投！ 睇下中唔中！
而佢地英國就喜歡串起佢， 串一粒， 然後掛起佢， 再用另一條串咗conker 嘅去swing and hit!
大家都可以試下！
再講多少少， 因為conker 貌似chestnut , 但conker 係唔食得嘅， 因為佢會令人唔舒服！
下面有兩張相， 一張係粟子連殻（個殻啲刺好似海胆咁）一張係Conker 連殻！（個殻啲刺好似榴連）
所以大家千萬唔好搞亂呀.
#蔬果家族英倫誌
#移民辛酸史
#英國閒談篇
#conker_vs_chestnut
#spider_vs_conker

https://www.facebook.com/veggifamsukdiary/posts/3120702618028657

英國閒談篇 - Vegetarianism
大家對呢一樣嘅認識有幾多？！ 我相信。。 相信除咗佢（素食者）， 冇人會比佢更清楚。
事源。。有一日。。 我在朋友家整晚餐時，啱啱好，佢有個親戚到訪。 。 咁我當時問佢地會唔會一同共享晚餐！
佢地很樂意。 但我當時忘記了一樣嘢。。就係問佢地會否係素食者。
我當晚其實預算整魚和菜比小朋友食。 而大人就食肉和菜。所以魚嘅份量只有兩份。
當我煮好餸的一刻。。。先醒起 。。。素食者問題。點知。。佢地答我佢地係素食者。。我當下想死。。 因為菜。。真係唔多。。。 然後我就問。。咁魚。你地應該唔會食啦？！
佢地嘅答案話我知。。 佢地會食魚。 。。我 就唯有犧牲小朋友嘅魚。。煮番茄蛋比佢地啦！
好啦。。 嚟到呢一刻。。點解一個素食者會食魚？！
原來。。
Vegetarian 有分4大類
1）Lacto-ovo (呢類係唔食肉，但會食奶製品及蛋）
2）Lacto （呢類係唔食肉同蛋 。。但會食奶製品）
3）Ovo （呢類會避免進食動物有關的製成品，但會食蛋）
4）Vegan （呢個係避免一切和動物有關嘅食物， 即係全素食者）
頭三類都唔可以話自己係全素。。
好啦。。。 其實仲有一種人話自己vegetarian..但會食魚。。 嗰啲Vegetarianism 眼中。佢地並唔可以叫自己做vegetarian.. 佢地充其量只係Flexitarian/Pescatarians, 即係part-time vegetarian.
係英國。。。 好多餐廳都會顧及到vegan 嘅需要。。 所以都會有啲食物係稱做vegetarian food.
最簡單的。。 就係你叫碟菜走肉。 走蛋。得番菜。。
但其實。。 想講。。 餐廳點樣去handle 你啲嘢食？！
好似fish and Chips 咁。。 佢地話佢地有vegan base burger... 但佢地嘅肉食全部都係用同一個爐，同一Pan油去炸。 咁係咪真係Vegan?! 咁係咪當真叫avoid?!
今日我用咗一個木頭先生笑我嘅比喻
Vegan 去fish and chips equals to 你去肉檔買菜！ （朋友就比喻去pizza hut order 點心一樣）
又或者咁講。。。 出得嚟行就預咗xxx.... （自己加自己喜歡嘅字）
所以假設你係vegetarian... 而唔係去Vegan specialty restaurant... 就千萬不要太執著了.
#蔬果家族英倫誌
#移民辛酸史
#covid19UK
#vegetarian
#veganism
#Flexitarian
#輕鬆談一談

https://www.facebook.com/veggifamsukdiary/posts/3114966181935634

當你正看這篇文的時候,
你不是己移民, 就是正考慮移民吧? (不然, 你看這個移民英國BLOG 幹什麼?)

那麼, 你為了什麼而移民呢??

唔同人, 有唔同答案

可能, 為了自己的未來
可能, 為了孩子的未來
可能, 因為對香港失望?

不論什麼原因, 要放下香港一切, 離開從小長大的地方,
去一個陌生國度, 重新建立一切,
除了決心, 還是決心!!

決心下定了, 跟住呢?
盡量融入社會,
自覺做好自己本份
英國和香港係兩個好唔同既地方,
有D 野, 香港係咁, 英國唔係, 唔好成日拎返香港個套, 話 "香港都係咁啦!"
現在來到一個新地方, 有責任去調節自己, 適應呢個地方
而唔係期望呢個地方改變去遷就你

英國節奏慢一點? 咪自己比多少少耐性囉
英國天氣唔好? 趁天氣好就多D 出外, 天氣唔好咪去室內囉, 人要適應環境
聽唔明英文? 聽多D, 講多D 囉
無朋友? 去識下新朋友囉

就當自己係一個初生BB,
在英國重新開始
舊觀念, 舊習慣, 睇情況啦
只要唔影响到別人, 別人又唔會理你既

別忘記自己為什麼想移民
為了未來, 為了幸福

https://jcinuk.blogspot.com/2020/07/blog-post_13.html

過完瘋狂Black Friday 豪爽購物之後，進入12月聖誕檔期。如果你係第一次係外國過聖誕，你應該會十分期待，話曬外國節日係外國過係特別有氣氛 。以下係小編係英國生活幾年小小聖誕節溫馨提示，希望今年大家都可以過一個快樂聖誕 。

英國聖誕就等於我地農曆新年，主要係一家人團聚見面。 所以點解首相要係聖誕前解封，好主要係因為喱個原因，一來經濟要放人出嚟買嘢，二來封城咁耐大家都真係會想見屋企人。而聖誕節當日市面八成店鋪都唔會開，所以我會建議一個星期前好買定食物，因為去到平安夜已經冇乜可以買，要食好嘢記得早預訂。 雖然近年多左店鋪、超市開門，但開放時間都會有唔同，到時想買嘢先發現附近冇超市開門咁就好麻煩。 另外可以開始留意超市門口會貼出聖誕到新年嘅開門時間，小編建議記得影低佢keep 手機。

12月24日 – 平安夜，基本上餐廳都會開有聖誕大餐，但全部都要預訂(今年要示附區域Lock Down情況) 。一般商店都會開門等市民可以盡情消費。

12月25日 – 聖誕正日，基本上等於以前年切一，全部都安安靜靜返屋企見家人，圍爐飲酒食火雞。而照常營業嘅會有小量中餐、 大量印度人外賣烤肉店。 London連Tube都係有限度或者冇服務，如果住其他區域打算出街要做下工課。

12月26日 – Boxing Day，當然係一年最後瘋狂購物日。如果有睇Mr Bean你會有印像佢排隊等開門入去買梳化。因為真係大大大減價，出名嘅Bicester Village Outlet 更加係會人山人海，Black Friday 未買夠記得仲有喱一日可以買!!而所有餐廳同店鋪都會如常營業。

可惜今年疫情關係，英國好多地方都取消聖誕市集。 希望下年大家可以一齊去體驗一下Mulled Wine 同Christmas Market熱鬧聖誕氣氛

London Tube 行車時間:
https://tfl.gov.uk/status-updates/major-works-and-events/christmas-travel

Heathrow 12月份罷工:
https://www.theguardian.com/uk-news/2020/nov/16/heathrow-workers-to-strike-for-four-days-in-december-over-pay-cuts

更多英國聖誕出外建議
https://www.bbc.co.uk/news/uk-55055297

https://www.england01.co.uk/2020/11/29/英國過聖誕注意事項/

ISA Account 是什麼?
什麼是ISA Account？
ISA (全名Individual Savings Accounts) 代表個人儲蓄帳戶 (免稅儲蓄戶口)。也許不是每人都知道，在英國，銀行的利息也要付稅的 （有免稅額），所以，若你擁有不少存款，便可以利用ISA 戶口去減少利息稅開支。

ISA和任何其他儲蓄戶口之間的分別在於，ISA 戶口是不用付利息稅 (有每年上限)。

每個納稅年度可以存入ISA的資金有一個上限，稱為“ ISA津貼”。 2020/21納稅年度的ISA津貼為20,000英鎊。即每年最多存入二萬英鎊。

您每年只能擁有一個 Active ISA Account，即你不能在一個納稅年度內開設多個ISA，而且從這些ISA 戶口中的每一個中享受免稅儲蓄津貼。但是，您可以將 ISA 津貼分配給不同的ISA戶口。 因此，您可以開設兩個或三個不同的ISA戶口，並且只要您每年的總存款額不超過ISA的年度津貼，就可以全部使用。

不同的銀行都有開設ISA 戶口的服務，可以向你的銀行進一步查詢。

ISA 戶口有哪幾種?
ISA有4種類型，包括：

cash ISAs (現金儲蓄戶口)
stocks and shares ISAs (股票投資戶口)
innovative finance ISAs (創新金融戶口)
Lifetime ISAs (終生戶口)
您可以在每個納稅年度將錢放入不同ISA戶口中。

什麼是Lifetime ISA?
您可以使用Lifetime ISA（終生儲蓄帳戶）來購買您間屋或退休之用。
您必須年滿18歲但未滿40歲才能開設Lifetime ISA。
您每年最多可以投入4,000英鎊，直到50歲為止。政府將為您的儲蓄增加25％ Bouns，每年最高可達1,000英鎊。(即若你每年存4000鎊, 每年終便會增加5000鎊, 還未計利息或其他投資相關利潤)
終生ISA限額每年4,000英鎊，並計入您的年度ISA限額。 2020年至2021年的納稅年度為20,000英鎊。
您可以在Lifetime ISA中持有現金或股票，或將兩者結合使用。
當您年滿50歲時，您將無法再投入更多資金入 Lifetime ISA或賺取25％的政府額外獎勵。 您的帳戶將保留，而您的儲蓄仍將獲得利息或投資回報。
更多關於Lifetime ISA 資料, 可以參考政府網頁 : https://www.gov.uk/lifetime-isa

誰可以開ISA戶口?
Cash ISA: 16歲以上
Stock & Share / innovative finance ISA: 18歲或以上
Lifetime ISA: 18歲 至 40歲 之間
此外, 還必需是英國居民，居住在英國

Junior ISA
18歲以下可以開設Junior ISA (Junior Individual Savings Accounts)戶口，只要：

年齡在18歲以下
居住在英國

Junior ISA有2種類型：

Cash ISA (免利息稅)
Stock / share ISA (無需付任何資本增值或股利稅)
您的孩子可以擁有一種或兩種類型的Junior ISA。

父母或監護人可以開設Junior ISA並管理帳戶，但這些錢屬於孩子。

孩子16歲時可以控制帳戶，但要等到18歲時才能取款。

https://jcinuk.blogspot.com/2020/12/isa-account.html